Служба бяспекі інфармацыі Чэхіі (Bezpečnostní informační služba, BIS) заявіла пра замешанасць ў кібератаках на дзяржаўныя ведамствы краіны расійскіх хакераў.
У дакуменце гаворыцца, што ў 2016-2017 гадах хакерам атрымалася ўзламаць інфармацыйную сістэму Міністэрства замежных спраў Чэхіі, дзякуючы чаму яны атрымалі доступ да скрыняў электроннай пошты паўтары сотні супрацоўнікаў ведамства і скапіявалі адтуль інфармацыю. Спецыялісты BIS адзначаюць, што галоўнай мэтай хакераў сталі паштовыя скрыні вышэйшых чыноў МЗС, зламыснікі правяралі іх неаднаразова і здолелі атрымаць нямала інфармацыі, карыснай для правядзення новых нападаў на іншыя дзяржустановы.
«Гэта была, бадай, самая актыўная і самая прыкметная расійская кампанія па кібершпіянажы», — гаворыцца ў справаздачы BIS.
Чэшская спецслужба паведамляе таксама, што ёй удалося выявіць некалькі кібератак на чэшскія вайсковыя аб'екты, арганізатарам якіх удалося ўзламаць некалькі ўліковых запісаў электроннай пошты, якія належалі супрацоўнікам Мінабароны і вайскоўцам чэшскай арміі.
У справаздачы BIS гаворыцца таксама, што ў 2017 годзе расійскія разведчыкі працягвалі актыўна працаваць у Чэхіі пад дыпламатычным прыкрыццём.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары