Ministr zamiežnych spraŭ Litvy Linas Linkiavičus zajaviŭ na samicie «Ukrainski šlach u NATA» ŭ Kijevie, što prezident Uładzimir Pucin nazyvaŭ Ukrainu štučnym utvareńniem i pamyłkaj historyi na pasiadžeńni Rady NATA — Rasija ŭ 2008 hodzie, piša UNIAN.
«Heta nie była adkrytaja sustreča, ale nie budzie vialikim hrachom, pracytavać, što skazaŭ prezident Pucin sajuźnikam NATA ŭ čas Rady NATA-Rasija, sprabujučy jak zaŭsiody vučyć i pavučać: «Z kim vy ŭzajemadziejničajecie, z Ukrainaj? Heta nie kraina, heta štučnaje ŭtvareńnie, heta niejkaja pamyłka historyi, vy viedajecie, heta nienarmalna». I ŭsie hladzieli adzin na adnaho i dumali: što jon kaža?» — padkreśliŭ jon.
«(Členy NATA) nie mahli pavieryć, moža, nie zrazumieli štości, ale my byli siarod niešmatlikich, chto skazaŭ, nie, jon heta maje na ŭvazie», — padkreśliŭ kiraŭnik MZS Litvy.
«2008-y hod nie tyčyŭsia Ukrainy, a Hruzii. Ale paźniej heta była Ukraina — heta byŭ Krym. Iznoŭ, tyja, chto ŭspryniaŭ heta jak niečakanaść, heta byli nie my. My skazali: vy nie pavinny dzivicca, bo heta było zroblena u Hruzii, i z hetaj niečakanaściu pahadzilisia», — skazaŭ Linkiavičus
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary