Finansavaje ŭpraŭleńnie Čechii vyklučyła kitajskuju kampaniju Huawei z mahčymych udzielnikaŭ tendara na raspracoŭku padatkovaha partała Moje daně. Vartaść hetaha kantrakta składaje bolš za 500 miljonaŭ kron (22 miljony dalaraŭ), piša Reuters.
Heta było zroblena paśla taho, jak češskaje Nacyjanalnaje ŭpraŭleńnie pa kibierbiaśpiecy (NUKIB) zajaviła, što, pa źviestkach viedamstva, vyraby kitajskaha pastaŭščyka telekamunikacyjnych pasłuh ujaŭlajuć pahrozu biaśpiecy respubliki.
Partał Moje daně pavinien spraścić padaču padatkovych dekłaracyj. Prajekt, jaki źmiaščaje asabistyja i kanfidencyjnyja danyja, źjaŭlajecca častkaj tak zvanaj krytyčnaj infrastruktury krainy. Tamu Finansavaje ŭpraŭleńnie skarekciravała ŭmovy tendara. Ciapier dziaržaŭnyja orhany pry praviadzieńni tendaraŭ i składańni kantraktaŭ mohuć uličvać ryzyku, źviazanuju z vykarystańniem sistem Huawei i ZTE.
Kamientary