Žychar rasijskaha Kiemierava Ihar Vostrykaŭ staŭ tvaram trahiedyi ŭ handlovym centry «Zimovaja višnia», u jakim 25 sakavika 2018 hoda zahinuli 60 čałaviek. Siarod ich — troje dziaciej Vostrykava, a taksama žonka i siastra.
«Majoj siamji bolš niama. Vinavaty praviačy režym u majoj krainie … U Kiemieravie adbudziecca mitynh. Prychodźcie, u kolki možacie», — napisaŭ jon u sacyjalnych sietkach, paśla čaho na stychijnuju akcyju pratestu vyjšli tysiačy čałaviek. Udzielniki mitynhu abvinavacili ŭładu ŭ karupcyi i zapatrabavali adstaŭki čynoŭnikaŭ.
Jašče praź niekalki dzion Vostrykaŭ abvinavaciŭ «majdanščykaŭ» i nazvaŭ Pucina «carom»: «Ułada pavinna być mocnaja».
Paśla trahiedyi jon atrymaŭ kampiensacyju — ahułam kala $300 tysiač. Nieŭzabavie Vostrykaŭ ustupiŭ u «Adzinuju Rasiju», pieramoh na partyjnych prajmieryz, adnak u vyniku prajhraŭ na miascovych vybarach.
U pačatku 2019 hoda stała viadoma, što Vostrykaŭ, adpačyŭšy ŭ Tajłandzie, źjechaŭ u ZŠA. Jon źviarnuŭsia ź videazvarotam z Fłarydy.
«U hetym niama ničoha novaha, ja nie chaču skazać, jak tut dobra, a ŭ nas usio drenna. Ale mnie brydka hladzieć, jak nas padmanvajuć. Ja chaču, kab va ŭsich ludziej była mahčymaść žyć kamfortna. My ničym nie horšyja za Amieryku», — kaža Vostrykaŭ. Jon paraŭnoŭvaje zarobki ŭ Rasii i ZŠA, a paśla košt aŭtamabilnaha paliva — jano ŭ Amierycy tańniejšaje.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach4
Kamientary