U Viciebsku znoŭ admovilisia pierajmienavać biblijateku imia Lenina
Naprykancy lutaha aktyvistka BCHD Taciana Sieviaryniec abskardziła ŭ Ministerstvie kultury admovu Viciebskaha abłvykankama razhladać pytańnie ab nadańni imia Vasila Bykava Viciebskaj abłasnoj biblijatecy. I voś jaki adkaz atrymała ź Minkultu.
«U adpaviednaści z p.2 Pałažeńnia ab paradku ŭzhadnieńnia najmieńnia kamiercyjnych i niekamiercyjnych arhanizacyj, u rehistrujučyja orhany dla ŭzhadnieńnia najmieńnia jurydyčnych asobaŭ mohuć źviarnucca kiraŭnik hetaj jurydyčnaj asoby abo inšaja asoba, upaŭnavažanaja ŭ adpaviednaści z zasnavalnym dakumientam abo davieranaściu dziejničać ad imia hetaj jurydyčnaj asoby.
Infarmujem, što dziaržaŭnaja ŭstanova Viciebskaja abłasnaja biblijateka imia U.I.Lenina padparadkavanaja ŭpraŭleńniu kultury Viciebskaha abłvykankamu.
Takim čynam, uźniataje Vami pytańnie naležyć da vyklučnaj kampietencyi administracyi biblijateki i miascovych orhanaŭ ułady», — havorycca ŭ adkazie pieršaj namieśnicy ministra kultury Natalli Karčeŭskaj.
U studzieni viciebskija aktyvisty sabrali ahułam bolš za 400 podpisaŭ haradžan pad zvarotami ŭ abłvykankam z prośbaj nadać viciebskaj «lenincy» imia Vasila Bykava (325 čałaviek padpisalisia ŭ tym liku pad elektronnaj pietycyjaj).
Ale ŭpraŭleńnie kultury admoviłasia navat razhladać pytańnie ab pierajmienavańni ŭstanovy — «u suviazi z adsutnaściu adzinaha padychodu i palarnaści pohladaŭ».
Letaś viciablanie ŭžo rabili sprobu denaminacyi biblijateki. Prapanoŭvali imia Lenina ŭ naźvie biblijateki źmianić na imia Skaryny. Pad zvarotam u 2018 hodzie padpisalisia bolš za 500 viciablan, ale ŭpraŭleńnie idealohii abłvykankamu paličyła pierajmienavańnie niemetazhodnym, patłumačyŭšy, što «padobnyja dziejańni mohuć vyklikać niehatyŭnuju reakcyju ŭ častki nasielnictva».
-
Čynoŭnik patłumačyŭ, čamu nielha rabić jadzierny mohilnik u Astravieckim rajonie
-
Zavočna asudžany maładziečaniec nieviadomym čynam viarnuŭsia ŭ Biełaruś — jaho asudzili na 5,5 hadoŭ za supracu z «Dapamohaj»
-
U Jakucku na miescy miemaryjała ź imionami słavutych biełarusaŭ ciapier budzie stajać pomnik «hieroju SVA»
Kamientary