Čytačy “Našaj Nivy” vyjavilisia sapraŭdnymi hramadzianami. Kolkaść padpisčykaŭ paśla Novaha hodu vyrasła na 320 čałaviek, i źviestki praciahvajuć nadychodzić. Jon chacieŭ zapałochać, a sutyknuŭsia z radykalizacyjaj hramadzianskaha duchu. Heta narmalnaja reakcyja narmalnaj nacyi.
Čytačy “Našaj Nivy” vyjavilisia sapraŭdnymi hramadzianami. Kolkaść padpisčykaŭ paśla Novaha hodu vyrasła na 320 čałaviek, i źviestki praciahvajuć nadychodzić. Jon chacieŭ zapałochać, a sutyknuŭsia z radykalizacyjaj hramadzianskaha duchu. Heta narmalnaja reakcyja narmalnaj nacyi.
Dziakuj tym 47 čytačam, jakija prapanavali raspaŭsiudžvać hazetu. Ciapier zadača — arhanizavać roźničny raspaŭsiud. Prašu ŭsich zdolnych dałučacca.
Jak bačycie, hazeta z novaha hodu stała całkam novaju. Dakładniej, staroju: viarnułasia da farmatu časoŭ Mikałaja II. Ciapier kožny moža zdrukoŭvać jaje. Pračytaj i skapijuj druhomu. Pračytaj i padšyj. Hazeta dajecca vialikim trudom. Šanujcie jaje.
Chaj padpiska na “NN” stanie pieršym krokam, paśla jakoha vy pačniecie skroź i zaŭždy havaryć pa-biełarusku. Jak mnohija pačali paśla Haniebnaha referendumu 1995 hodu.
Spačatku było niazvykła, jany biantežylisia i hublali peŭnaść. Ciapier mova dla ich — stychija i vizytoŭka, pa jakoj ich paznajuć i jakaja dapamahaje ŭ samych składanych sytuacyjach. Viedaju mnoha takich ludziej.
Razumieju, što ciažej ździejśnić taki pierachod stałym ludziam, sacyjalnaje koła jakich sfarmavanaje. Abo tym, chto ŭ malenstvie nie havaryŭ na rodnaj movie. Ale: mała čytać — treba havaryć. Na movie, na trasiancy, na dyjalektach.
Kali dla kahości z vas miažoju stanie cyničnaja zabarona biełaruskich hazetaŭ, značyć my nie darma rabili hety numar.
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary