Minpryrody zaklikała abmiežavać zapusk hielijevych pavietranych šaroŭ padčas śviataŭ
Ministerstva pryrodnych resursaŭ i achovy navakolnaha asiarodździa zaklikaje abmiežavać zapusk hielijevych pavietranych šaroŭ padčas śviataŭ, paviedamlaje pres-słužba Minpryrody.
«U apošnija hady ŭ čas kancertaŭ, śviatkavańniaŭ apošniaha zvanka abo vypusknych u škołach i dziciačych sadkach, a taksama na inšych śviatach stała tradycyjaj zapuskać hielijevyje pavietranyja šary ŭ pavietra. Ale varta pamiatać pra toje, što heta nanosić škodu navakolnamu asiarodździu. Paśla padzieńnia pavietranych šaroŭ na ziamlu abo ŭ vadu ich łateksnyja abałonki i polietylenavyja viaroŭki vydzialajuć u navakolnaje asiarodździe taksičnyja rečyvy. Źjedzieny žyviołaj pavietrany šar moža błakavać jaho kišačny trakt i pryvieści da śmierci. Taksama žyvioły mohuć zabłytacca ŭ stužkach i nitkach, jakimi zaviazvajuć šaryki, što taksama čaściakom pryvodzić da śmierci», — adznačyli ŭ pres-słužbie.
Ministerstva prymie miery pa pavyšeńni infarmavanaści nasielnictva ab niehatyŭnych nastupstvach zapusku pavietranych šaroŭ u pavietra dla navakolnaha asiarodździa. Rekamiendujecca zamianić takija mierapryjemstvy na inšyja, bolš ekałahičnyja.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary