Nacbank: zachoŭvajecca paskorany rost cenaŭ na chleb i muku, a miasa tańnieje paśla kanjunkturnaha šoku

U Biełarusi zachoŭvajecca paskorany rost cenaŭ na pradukcyju, u vytvorčaści jakoj vykarystoŭvajucca pradukty zbožžapierapracoŭki - chleb, muku, bolšaść vidaŭ krup, makarony. Pra heta paviedamlaje Nacbank. Razam z tym rehulatar adznačaje źnižeńnie cenaŭ na miasa, piša tut.by.

Pavodle źviestak Biełstata, u sakaviku muka pšaničnaja padaražeła na 3,5% (z pačatku hoda - na 5,9%), chleb i chlebabułačnyja vyraby - na 1,7% (z pačatku hoda - na 2,3%), makarony - na 2,9% (z pačatku hoda - na 4,5%).

Krupy i babovyja u sakaviku stali daražejšyja na 1,8%, u tym liku prosa na 8,3%, hrečka - na 4,6%, aŭsianyja šmatki - na 4,8%, krupy piarłovaja - na 4,5%.

Zatoje statystyka zafiksavała źnižeńnie cenaŭ na miasa i miasapradukty. 

Heta śviedčyć ab pastupovym spynieńni ŭpłyvu kanjunkturnaha šoku ŭ halinie žyviołahadoŭli, raspaviadajuć u Nacbanku.

Nahadajem, letaś miasa i miasapradukty apynulisia ŭ lidarach pa padaražeńni. Da prykładu, paŭfabrykaty ź miasa ptuški stali daražejšyja na 21,7%, kury (kuraniaty, u tym liku brojlery) - na 21,5%. U lidarach pa roście cenaŭ taksama apynulisia śvinina (akramia biaskostkavaha miasa) - padaražeła na 16,2% za hod, farš (+ 11,3%), jałavičyna biaskostkavaja (11,2 %), katlety miasnyja (+ 9,8%).

U cełym ža miasa i miasapradukty za minuły hod padaraželi na 11,6%.

Nahadajem, hadavaja inflacyja ŭ sakaviku zapavoliłasia da 5,8% (u lutym - 6,2%, u studzieni - 5,8%).

«Zapavoleńniu hadavych tempaŭ rostu spažyvieckich cen u sakaviku 2019 hoda ŭ značnaj stupieni spryjała dynamika rehulavanych cen i taryfaŭ, u mienšaj - dynamika siezonnych cen i bazavaj inflacyi», - udakładniajuć ŭ Nacbanku.

Hadavy pryrost administracyjna rehulavanych cen i taryfaŭ u sakaviku źniziŭsia z 9,5% u lutym da 8,2% u sakaviku hetaha hoda. Heta abumoŭlena mienš intensiŭnym administracyjnym pavyšeńniem cenaŭ u paraŭnańni ź minułym hodam, tłumačać u Nacbanku.

«U biahučym hodzie efiekt ad padvyšeńnia taryfaŭ na pasłuhi ŽKH byŭ całkam realizavany ŭ lutym, tady jak u minułym hodzie taryfy padvyšalisia na praciahu lutaha - sakavika, - adznačajuć u Nacbanku. - Akramia taho, u sakaviku minułaha hoda byli pavialičany taryfy na prajezd u pasažyrskim čyhunačnym transparcie unutryrespublikanskich znosin, cana pasłuh vyšejšaj adukacyi, bolš značna pavyšanyja ceny na paliva».

Ceny na płodaaharodninnuju pradukcyju ŭ sakaviku hetaha hoda ŭ hadavym vymiareńni zamarudzilisia z 6 da 4,7%. «Asnoŭny ŭkład u pryrost cen pa hrupie praciahvaje ŭnosić padaražeńnie harodniny, tady jak ceny na bulbu i sadavinu ŭ hadavym vymiareńni źnizilisia», - tłumačyć rehulatar.

• 0
• 0
• 0
• 0
• 0
• 0
• 0
• 0