Viber budzie razmaŭlać pa-biełarusku: kampanija abjaŭlaje konkurs ścikieraŭ dla ilustrataraŭ i łakalizuje dadatak
Viber, adzin ź viadučych suśvietnych dadatkaŭ dla abmienu paviedamleńniami, abjaŭlaje ab chutkim zapusku poŭnafunkcyjanalnaj biełaruskaj viersii papularnaha mesendžara. U honar hetaha abnaŭleńnia kampanija zapuskaje konkurs pa raspracoŭcy śpiecyjalnaha ścikierpaka siarod biełaruskich ilustrataraŭ. Pieramožca atrymaje zvańnie «Aficyjny dyzajnier Viber u Biełarusi» i hałoŭny pryz u pamiery 6 tysiač biełaruskich rubloŭ.
Konkurs dla ilustrataraŭ «Viber pa-biełarusku» startuje 17 krasavika i budzie składacca ź niekalkich etapaŭ. Kab stać udzielnikam, nieabchodna da 10 maja padać zajaŭku, jakaja budzie ŭklučać:
- apisańnie kancepcyi paka i jaho nazvu;
- try namalavanyja kalarovyja ścikiery.
Žury razhledzić usie prajekty ŭdzielnikaŭ i nazavie 20 najlepšych, jakija buduć dalej zmahacca za hałoŭny pryz. U sudziejstvie konkursu voźmuć udzieł viadomy biełaruski ilustratar Micia Piślak, 2D-mastak Eleanora Ržeuskaja, hramadski aktyvist Anton Matolka, pradstaŭniki Viber, u tym liku kreatyŭny dyrektar adździeła pa stvareńni ścikieraŭ Ałon Barada. Finalisty pradstaviać svaje raboty 16 maja ŭ minskim ofisie Viber.
Ekśpiertnaje žury acenić aryhinalnaść i kreatyŭnaść, adzinstva stylu i jakaść malunkaŭ, a taksama ŭmieńnie prezientavać publicy ŭłasnuju kancepcyju. U vyniku žury sfarmiruje šort-list z 5 najlepšych rabot. Pieramožca konkursu budzie abrany šlacham «narodnaha hałasavańnia» — apytańnia ŭ supołcy Viber Biełaruś. Akramia tytuła i hrašovaha pryza, udzielnik, jaki zaniaŭ pieršaje miesca, atrymaje mahčymaść papracavać sa studyjaj dyzajnu Viber i zapuścić na placoŭcy svoj ułasny ścikierpak.
«Biełaruś dla nas asablivy rehijon. Viber źjaŭlajecca samym papularnym dadatkam dla abmienu paviedamleńniami ŭ krainie. U Minsku i Breście znachodziacca dva našyja bujnyja centry daśledavańniaŭ i raspracoŭki. Tamu my rady, što majem mahčymaść umacavać suviaź pamiž Biełaruśsiu i Viber», — kamientuje Džamieł Ahaua, hienieralny dyrektar Viber.
Usia aktualnaja infarmacyja ab prajekcie «Viber pa-biełarusku» (naviny, anonsy i vyniki hałasavańnia) budzie publikavacca ŭ aficyjnaj supołcy Viber Biełaruś. Bolš padrabiazna z umovami konkursu i patrabavańniami da stvareńnia ścikieraŭ možna aznajomicca na aficyjnym sajcie Viber. Zajaŭki na ŭdzieł prymajucca na poštu [email protected] da 10 maja ŭklučna.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary