Aryštavany były načalnik adździełu ŭłasnaj biaśpieki Hienprakuratury Makaraŭ. Michaiłu Śniehiru ž u aŭtorak było pradjaŭlena aficyjnaje abvinavačańnie pa artykule KK 424 častka 3 «Złoŭžyvańnie słužbovymi paŭnamoctvami».
Aryštavany były načalnik adździełu ŭłasnaj biaśpieki Hienprakuratury Makaraŭ, paviedamiŭ žurnalistam hienieralny prakuror Ryhor Vasilevič.
«Trapiŭsia na prazie atrymlivać chabar», — adznačyŭ R.Vasilevič. Jahonaje miesca ŭžo zaniaŭ małady śledčy Siarhiej Šykuniec.
Što datyčyć karupcyjnaha skandału z byłym prakuroram Minščyny Michaiłam Śniehirom, to jamu ŭ aŭtorak jamu było pradjaŭlena aficyjnaje abvinavačańnie pa artykule KK 424 častka 3 «Złoŭžyvańnie słužbovymi paŭnamoctvami».«Vielmi škada, što heta supracoŭnik našych orhanaŭ», — skazaŭ hienprakuror.
Razam z tym, Vasilevič admoviŭsia kamientavać rašeńnie ab kanfiskacyi katedžaŭ u Śniehira i supracoŭnikaŭ MUS.
Vasilevič paćvierdziŭ aryšt načalnika departamientu finansavych rasśledavańniaŭ kamitetu dziaržkantrolu Anatola Hramoviča. Jon padazrajecca va ŭdziele ŭ złačynnaj arhanizacyi. Sprava źviazanaja z złačynstvami na mytni «Zachodni Buh». Prakuror skazaŭ, što ŭ hetuju spravu ŭciahnuta šmat ludziej, ale nazyvać ich proźviščy, ci pasady nie staŭ.
Darečy, na pytańnie pra Hramoviča, jak i na ŭsie pytańni, zadadzienyja pa‑biełarusku Ryhor Vasilevič adkazvaŭ na dobraj biełaruskaj movie.
Hienieralnaja prakuratura padtrymała Ŭładzimira Navumava ź jahonaj inicyjatyvaj daktyłaskapii ŭsich vajennaabaviazanych biełarusaŭ.«Sprava vybuchu 4 lipienia pavinna być raskrytaja, niezaležna ad taho, jakich palityčnych pohladaŭ my prytrymlivajemsia», — skazaŭ R.Vasilevič.
Hienieralnaja prakuratura ličyć abhruntavanym isnavańnie ŭ krainie śmiarotnaha pakarańnia. Ale Vasilevič zaznačyŭ, što my imkniomsia ŭ Rada Jeŭropy, to pavinny vykonvać ichnyja praviły. U tym liku i adnosna ŭviadzieńnia maratoryja, ci admieny śmiarotnaha pakarańnia.
Čutki pra ŭłasnuju adstaŭku Vasilevič prakamientavaŭ tak: «Chaciełasia b papracavać dalej. U lubym vypadku vyrašalnaje słova za kiraŭnikom krainy, a nie za tymi ludźmi, što raspaŭsiudžvajuć takija źviestki».
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary