Dziaržsakratar kancylaryi premjer-ministra Polščy Adam Lipiński zajaviŭ ab stvareńni niezaležnaj televizii dla Biełarusi. Spadarožnikavaja tranślacyja moža raspačacca ŭžo ŭ 2007 hodzie. «Srodki na hetaje jość -- zastaŭsia tolki šerah techničnych pytańniaŭ», -- paviedamiŭ palityk Jeŭrapiejskamu radyjo dla Biełarusi paśla svajho vystupleńnia va Ŭrocłavie ŭ miežach fiestyvala «Ciapier Biełaruś!».
(Lipiński:)
«Ja vielmi spadziajusia, što ŭžo sioleta my vyrašym pytańni datyčnyja prajektu televiaščańnia i z pačatku nastupnaha hodu zmožam jaho raspačać. Zastalisia jašče niekatoryja techničnyja i arhanizacyjnyja pytańni. Va ŭsich inšych sensach my ŭžo pryhatavanyja – kanceptualna, palityčna i finansava».
Pavodle ministra, prajekt rychtujecca ŭ zhodzie ź biełaruskimi admysłoŭcami.
(Lipiński:)
«Kali prajekt pačniecca, to heta budzie televizija, jakuju buduć rabić biełarusy dla biełarusaŭ... My kaniešnie ž robim heta ŭ kantakcie ź biełaruskim bokam».
Adam Lipiński paviedamiŭ taksama, što razam z telekanałam polski ŭrad planuje padtrymać stvareńnie novaj niezaležnaj biełaruskaj internet-hazety.
Stvareńnie novych miedyjaŭ – heta tolki adzin z kirunkaŭ dapamohi polskaha ŭradu Biełarusi. Siarod inšych, jakija ŭžo paśpiachova realizujucca, -- stypendyjalnaja prahrama «imia Kastusia Kalinoŭskaha» dla studentaŭ, vyklučanych ź biełaruskich vnu pa palityčnych pryčynach.
(Lipiński:):
Ja mahu skazać, što pakul my va ŭładzie i pakul sytuacyja na Biełarusi budzie takaja, jak zaraz, to takija prahramy pa dapamozie buduć praciahnutyja. Heta nie adnarazovy i nie papuliscki prajekt. Dapamahać biełarusam, što trapili pad represii režymu, – naš abaviazak. My, palaki, možna skazać spłočvajem zaraz maralny doŭh – kaliści, u 70-yja-80-yja hady mižnarodnaja hramadzskaść dapamahała Polščy. Tak što prašu heta traktavać z našaha boku jak stałuju, praciahłuju i efektyŭnuju dapamohu.
Prablemy Biełarusi ne mohuć nie chvalavać jeŭrapiejskuju supolnaść. Palityk pierakanany, što na mižnarodnaj palityčnaj arenie Biełaruś zajmaje vielmi važnaje miesca. I cikavaść da biełaruskich padziejaŭ budzie jašče bolš ŭzmacniacca.
(Lipiński:)
Napiaredadni aranžavaj revalucyi va Ukrainie ŭkrainskaja tematyka taksama była mała viadomaja ŭ krainach Zachodniaj Eŭropy. Heta paźniej užo, šmat u čym dziakujučy inicyjatyvie jeŭradeputataŭ z polskich partyjaŭ «Hramadzianskaja płatforma» i «Prava i spraviadlivaść», zachodnija krainy abudzilisia i zaanhažavalisia va ŭkrainskija spravy, a tema zrabiłasia vielmi vostraj.
Ja dumaju, što ź Biełaruśsiu taksama budzie niešta padobnaje – bo my łabirujem intaresy Biełarusi i ŭ Bruseli, hetaja tema robicca vielmi važnaj u parłamientach jeŭrapiejskich krainaŭ. Tamu pastupova Biełaruś staniecca viadomaj u Eŭropie i heta adbudziecca dziakujučy nie tolki dziejańniam našaha ŭradu, ale i pazicyi polskaha hramadstva.
Volha Kłaskoŭskaja, Alena Vasileŭskaja, «Jeŭrapiejskaje radyjo dla Biełarusi», Urocłaŭ.
Jeŭrapiejskaje radyjo dla Biełarusi
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary