«Rehijanalnuju hazietu» vyhnali z «Sajuzdrukaŭ», padmianiajuć «riehionalnoj»
Z novaha hodu «Sajuzdruki» Mienščyny spynili prodaž niezaležnaj hazety ŭ rehijonie. Ciapier vydańnie, jakoje na 29 śniežnia mieła nakład 8500 asobnikaŭ, možna nabyć urazdrob u čatyroch kramkach u Maładečnie, pa adnej u Vialejcy, Vałožynie, Miadzieli, Čyści, a taksama ŭ šapikach u Astraŭcy, Smurhoniach, Ašmianach. Pryvatniki — nie panaceja: praź ich raspaŭsiudžvałasia 10—15% nakładu. 70% išło praz šapiki.
Z novaha hodu «Sajuzdruki» Mienščyny spynili prodaž niezaležnaj hazety ŭ rehijonie. Ciapier vydańnie, jakoje na 29 śniežnia mieła nakład 8500 asobnikaŭ, možna nabyć urazdrob u čatyroch kramkach u Maładečnie, pa adnej u Vialejcy, Vałožynie, Miadzieli, Čyści, a taksama ŭ šapikach u Astraŭcy, Smurhoniach, Ašmianach. Pryvatniki — nie panaceja: praź ich raspaŭsiudžvałasia 10—15% nakładu. 70% išło praz šapiki.
«Mienskabłsajuzdruk» tłumačyć admovu tym, što im niavyhadna pradavać vydańnie. «Niapraŭda! — aburany redaktar hazety Alaksandar Mancevič. — U Miadziele my ŭvachodzili ŭ trojku lideraŭ: tam pradavałasia praz «Sajuzdruk» 1600 asobnikaŭ. U Maładečnie — 2 tys. asobnikaŭ».
Noŭ-chaŭ maładačanskaje sytuacyi ŭ tym, što miesca «Rehijanalnaj» u šapikach zajmaje inšaje vydańnie. Pradaŭcy prapanujuć... «riehionalnyj» maładačanski vypusk «Iz ruk v ruki». Pakupnikam tłumačać, što «vydańnie budzie zamiž «Rehijanalnaj». Niekalki miesiacaŭ tamu pradstaŭniki «Iz ruk v ruki» viali pieramovy z hazetaj, kab taja admoviłasia ad brendu i pierajšła «pad dach» rasiejskamoŭnaha chołdynhu. A.Mancevič admoviŭsia.
Hałoŭnaja redaktarka «Iz ruk v ruki» Volha Kraŭčanka paćvierdziła karespandentu «NN» vydavieckija plany na maładačanski rehijon: «My vyvučali rehijon i paličyli, što prajekt budzie mieć pośpiech». Nakont pryčynaŭ vybaru mienavita Maładečanščyny spn.Kraŭčanka kazać admoviłasia: kamercyjnaja tajamnica. Ale zaznačyła, što ŭ inšych rajonach takich vypuskaŭ chołdynh nia maje.
«Rehijanałka» ŭ svaich publikacyjach palityki nie kranała. Represii suprać jaje pakazvajuć, što łukašysty bjuć pa ŭsich niezaležnych vydańniach, nia tolki palityčnych. Kab zastalisia tolki kuplenyja z vantrobami beabachtery.
Krynicy ŭ Administracyi prezydenta ŭsio pašyrali čutki, što ŭdušeńnie niezaležnych hazetaŭ — zachad časovy. Maŭlaŭ, ci to z studzienia, ci to ź lutaha ŭsich, chto budzie «pavodzić siabie dobra», viernuć u prodaž. Maŭlaŭ, dni «Zamiatalina II» — pałkoŭnika Pralaskoŭskaha — źličanyja, a tady ŭsio vierniecca. Jość prastaki, što dahetul łukašystam vierać…
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»32
Kamientary