Kali tydzień tamu my ŭbačyli adrazu pa ŭsich kanałach siužet pra strašnyja padziei ŭ homielskaj vioscy Puchavičy, stała vidavočna, što niešta rychtujecca. Zanadta ŭžo zładžana hieraizavali na dziaržaŭnych kanałach sielskich «puhačovych».
Kali tydzień tamu my ŭbačyli adrazu pa ŭsich kanałach siužet pra strašnyja padziei ŭ homielskaj vioscy Puchavičy, stała vidavočna, što niešta rychtujecca. Zanadta ŭžo zładžana hieraizavali na dziaržaŭnych kanałach sielskich «puhačovych». Redakcyja sajtu Chartyi'97 kamientuje aryšty i pieratrusy ŭ Vaŭkavysku.
Kali tydzień tamu my ŭbačyli adrazu pa ŭsich biełaruskich telekanałach siužet pra strašnyja padziei ŭ homielskaj vioscy Puchavičy, dzie niekalki miascovych mužčynaŭ zabili svajho kryminalnika‑adnaviaskoŭca ŭ adpłatu, pa śćviardžeńni BT, za pahrozy ŭ adras žycharoŭ vioski i padpały ich majomaści, adrazu stała vidavočna, što heta nie šerahovy repartaž, a «telesieryjał» z praciaham. Užo zanadta padrabiazna apytvali supracoŭniki BT žycharoŭ hetaj vioski, zanadta hieraizavali sielskich «puhačovych». Ni dla koha nie sakret, što za čas kiravańnia Łukašenki biełaruskaja vioska značna dehradavała. Haleča, tatalnaje pjanstva, bytavyja zabojstvy na hlebie sumiesnaha raśpivańnia śpirtnych napojaŭ, zhvałtavańni 80‑hadovych žančynaŭ, kradziažy i rabavańni ‑‑ na žal, takaja trahičnaja realnaść ciapierašniaha žyćcia na vioscy.
I raptam stolki času nadajecca trahičnaj historyi, jakaja adbyłasia ŭ vioscy Puchavičy Žytkavickaha rajona. Tady jašče padumałasia, što nie prosta tak ukidvajecca hetaja tema, treba niejk adciahnuć uvahu biełarusaŭ ad rubla, jaki padaje, rostu koštaŭ i pradpryjemstvaŭ, što spyniajuć pracu. My nie pamylilisia. Učora da raskručvańnia hetaj historyi padklučyŭsia Sam, jaki zahadaŭ vyzvalić da pracesu traich mahčymych zabojcaŭ i zaklikaŭ sudździaŭ łajalna razhledzieć hetuju spravu. Pytańnie, čamu łajalna, a nie pa zakonie?
«Spravie ab padpałach» nadajucca ŭžo hadziny efirnaha času na dziaržaŭnych radyjo‑ i telekanałach.Siońnia heta hałoŭnaja navina dla ŭsich hazietaŭ i sajtaŭ. Pra heta havorać ludzi ŭ transparcie i na vulicy.
Ale, padobna, uładam zachaciełasia bolšaha.
Infarmacyjnuju kampaniju adciahnieńnia ŭvahi ad ekanamičnaj katastrofy jany vyrašyli pieratvaryć u infarmacyjnuju vajnu suprać apanientaŭ režymu.Za dzień da sudu pa ŭmoŭna‑daterminovym vyzvaleńni «byłyja» palitviaźni Aŭtuchovič i Lavonaŭ (chacia jakija jany byłyja, kali tolki 10 lutaha pavinien byŭ adbycca sud, jaki moh by ich daterminova vyzvalić ad pakarańnia za nadumanyja złačynstvy), razam sa svaim siabram Asipienkam ŭ vyniku amal vajskovaj apieracyi byli aryštavanyja i abvinavačanyja jakraz ŭ padpale chaty milicyjanta.
Meta infarmacyjnaj vajny nastupnaja: raskruciŭšy papiarednie temu padpałaŭ, źviazać u masavaj śviadomaści padpały z apazicyjaj.Ale NŁP uładam nie dapamoža. Jany pamylilisia, abraŭšy ŭ jakaści padazravanaha adnaho ź lideraŭ pradprymalnickaha ruchu i arhanizacyi vajskoŭcaŭ‑aŭhancaŭ, palitviaźnia Mikałaja Aŭtuchoviča – čałavieka žaleznaha charaktaru i niazłomnaj voli. Tamu biełaruskaja «sprava ab padpałach» razvalicca taksama, jak i sprava ab padpale 1933 hoda, arhanizavanaja inšym jeŭrapiejskim dyktataram.
Ciapier čytajuć
«Źnik bieź źviestak» vielmi małady biełaruski najomnik5
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary