15 vieraśnia ŭ stalicy prachodziać Minski paŭmarafon i fiestyval «Wargaming Fest: Dzień tankista». Heta moža paŭpłyvać na pieramiaščeńni pa horadzie — niekatoryja vulicy pierakrytyja, a maršruty hramadskaha transpartu źmianiajucca, piša Tut.by.
Ruch na aŭtamabili
Pierakryvajuć praśpiekty Pieramožcaŭ, Niezaležnaści, vulicy Mašerava i Bahdanoviča, a taksama vulicy, jakija prymykajuć da ich (da 18:00).
Jašče adnu vulicu pierakryjuć u suviazi z festam «Wargaming Fest: Dzień tankista»: pa praśpiekcie Mašerava ad vulicy Daŭmana da praśpiekta Pieramožcaŭ budzie abmiežavany ruch usich vidaŭ transpartnych srodkaŭ z 06.00 da 23.30.
Hramadski transpart
Mietro budzie kursiravać čaściej: da 17.00 ciahniki buduć ruchacca ź intervałam u 4 chviliny, a paśla hetaha da 00.00 praz kožnyja piać chvilin.
Bolš naziemnaha transpartu puściać na tramvajnyja maršruty № 3, 5 (z 12.00 da 00.00), aŭtobusnyja № 1, 73 (z 16.00 da 00.00), tralejbusny № 22 (z 07.00 da 16.00) i aŭtobusnyja № 74S, 24, 38 ( z 07.00 da 16.00).
Mianiajucca mnohija maršruty naziemnaha transpartu. Źmieny zakranuć maršruty, jakija iduć pa praśpiekcie Pieramožcaŭ, Niamizie, a taksama častki vulicy Bahdanoviča i praśpiekta Niezaležnaści.
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu24
Kamientary