U Minsku paŭmarafon biahuć bolš za 40 tysiač čałaviek z 68 krain. Biełaruska ŭstanaviła rekord
15 vieraśnia z dystancyi 21 km pačaŭsia Minski paŭmarafon. Usiaho na start vyjšli 40 tysiač udzielnikaŭ z 68 krain śvietu. Status zabiehu ciapier staŭ vyšejšym: jamu ŭpieršyniu nadadzieny siarebrany łejbł mižnarodnaj lohkaatletyčnaj asacyjacyi, piša Tut.by.
Asnoŭny zabieh na 21 km prajšoŭ pa praśpiekcie Pieramožcaŭ. Paśla ŭčastku ad Pałaca sportu da Vierchniaha horada biehuny pieraadoleli častku praśpiekta Niezaležnaści, zbočyli na Staražoŭskuju i znoŭ viarnulisia na praśpiekt Pieramožcaŭ.
Pieršaje miesca na dystancyi 21 kiłamietr zaniaŭ spartsmien z Erytrei Bierchan Chidry Afievierki, druhoje — ukrainiec Mikałaj Juchimčuk, treciaje — kienijec David Kiptui Tarusie.
Pieršaje miesca siarod žančyn —u biełaruski Niny Savinaj, jakaja ŭstanaviła rekord Minskaha paŭmarafonu — 01:11:24, pryčym pakazała lepšy čas, čym viadomaja biełaruska Volha Mazuronak u 2016-m. Nina ŭdzielničaje ŭ mierapryjemstvie ŭžo niekalki hadoŭ.
— I narešcie ja pieramahła, viadoma, ja vielmi ščaślivaja, — skazała jana paśla finišu.
Na dystancyi 10 kiłamietraŭ pieršaje i druhoje miescy ŭ biełarusaŭ: Arciom Łohiš z Hrodna pakazaŭ čas 32 chviliny 37 siekundaŭ, Juryj Kapcier z Mahilova — 32.44. Treciaje miesca ŭ maskviča Ramana Małycha.
Siarod žančyny na hetaj dystancyi ŭsie try pieršyja miescy ŭ biełarusak — Iryna Somava z Hrodna (37.51), Hanna Maksimava ź Viciebska (38.23) i Valancina Zielankievič ź Minska (41.03).
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu24
Kamientary