Povyšava, Bašłykievič dy inšyja znaŭcy «Što? Dzie? Kali?» dapamahajuć znajści dom badziažnym katam i sabakam FOTY
Biełaruski kłub «Što? Dzie? Kali?» pierad pačatkam vosieńskaj sieryi hulniaŭ zładziŭ dabračynnuju akcyju, kab dapamahčy hadavancam minskich prytułkaŭ dla žyvioł znajści svaich haspadaroŭ.
U pres-słužbie biełaruskaha kłuba «Što? Dzie? Kali?» raskazali, što nie čakali, što akcyja vykliča niečakany ažyjataž.
«My tolki abjavili pra hetuju akcyju, jakaja doŭžyłasia ciaham vaśmi tydniaŭ, i ad žadajučych paŭdzielničać u joj nie było adboju», — raskazvajuć u pres-słužbie.
Znaŭcy biełaruskaha «ŠDK», siarod jakich Alona Povyšava, Alaksandr Kurzinier, Jaŭhien Zajcaŭ, Viera Rabkina, Alena Šybut, Pavieł Čarniaŭski, Illa Barada, Darja Sałaviej (Šaŭcova) i inšyja dzialilisia ŭ sacyjalnych sietkach fotazdymkami žyvioł, jakija šukajuć haspadara.
Pakul z 17 žyvioł, jakija paŭdzielničali ŭ akcyi, dom znajšli tolki dva sabaki i dva katy.
«Kali pačałasia akcyja, my sami sa ździŭleńniem daviedalisia, jakija čullivyja ludzi našy znataki. Naprykład, Darja Sałaviej zabrała z Hurskaha sabaku-epileptyka. A ciapier sama starajecca znajści dom sabaku, jakoha znajšła jašče ŭ krasaviku. Alaksandr Kurzinier z žonkaj litaralna tydzień tamu ŭziali na vychavańnie maleńkaje kaciania, jakoje padabrali na vulicy. Kaciania nastolki maleńkaje, što Alaksandr z žonkaj vymušanyja pa čarzie jaho vykormlivać. A Viera Rabkina i Siarhiej Bašłykievič letam padabrali kotku ŭ padjeździe, i ciapier u ich bienhalca Imbryka jość susiedka», — raskazvajuć u pres-słužbie.
Darja Vieraciła raskazała «Našaj Nivie», što samaje składanaje było strymacca i nie zabrać usich žyvioł sabie:
«Ja žyvu ŭ adnapakajovaj kvatery i na pracy byvaju pa 13 hadzin na sutki, kudy mnie sabaku», — razvažaje Darja.
Akcyju płanujuć pravodzić u kožnaje mižsiezońnie hulniaŭ «Što? Dzie? Kali?»
Kamientary