U kvatery minčukoŭ pačynaje pastupać ciapło. Heta rekord: tak rana aciapleńnie ŭ damach jašče nie ŭklučali
Aciaplalny siezon u žyłych damach, a taksama internatach, haścinicach, navučalnych ustanovach, basiejnach, łaźniach, teatrach Minska pačynajecca siońnia, 24 vieraśnia. Adpaviednaje rašeńnie pryniata ŭ Minharvykankamie ŭ paniadziełak, paviedamlajuć Minsk-naviny.
Aciapleńnie ŭklučajuć pastupova ciaham piaci dzion.
Tym samym pabity rekord minułaha hoda, kali aciaplalny siezon dla žyłfondu pačaŭsia 1 kastryčnika. A samy poźni termin pačatku padačy ciapła ŭ kvatery mienčukoŭ byŭ 20 kastryčnika (1999 h., 2008 h.).
Napiaredadni startavaŭ aciaplalny siezon u dziciačych daškolnych, školnych, lačebna-prafiłaktyčnych, miedustanovach, ustanovach sacyjalnaha zabieśpiačeńnia, muziejach, dziaržaŭnych archivach i biblijatekach.
Kab daviedacca, kali ŭ vašaj kvatery ŭklučać batarei, jość try sposaby.
Skarystacca čat-botam 115 (śpiecyjalnaja prahrama dla aŭtamatyzacyi zadańniaŭ). Kab atrymać nieabchodnuju infarmacyju, treba adpravić čat-botu ŭ Viber abo Telegram zapyt, jaki źmiaščaje nazvu vulicu i numar žyłoha doma ŭ Minsku.
Skarystacca servisam na sajcie http: //www.115.bieł/ u raździele «Kantakt-centr ŽKH». Tam treba ŭvieści nazvu vulicy i numar doma
Patelefanavać u Kantakt-centr ŽKH pa karotkim numary 115.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary