Brest adpačyvaje, BATE dahaniaje. Intryhi i pytańni nastupnaha tura čempijanatu Biełarusi

Matčy, što prajšli ŭ sieradu, nijak nie adbilisia na turnirnaj intryzie: u matčy hoda Brest padzialiŭ bały z Barysavam, a «Šachcior» nie zmoh skarystacca takim padarunkam, złamaŭšy zuby ab mocnuju «Haradzieju». «Viciebsk» u rešcie rešt zmoh vyjhrać, ale biez skandału ŭ Mazyry nie abyšłosia: u samym kancy matča hałoŭny arbitr pryznačyŭ pienalci na karyść «Słavii», ale potym jaho admianiŭ.

Pavialičyć

Ciapier krychu pra matčy, što prajšli ŭ minuły ŭikend. Ź ich varta adznačyć doŭhačakanuju viktoryju «Isłačy» i doŭha-doŭha čakanuju pieramohu «Niomana». «Słuck» praz kurjozny hoł na apošnich chvilinach zhubiŭ bały ŭ matčy z «Tarpieda-BiełAZ», a minskaje «Dynama» praz hierojstvy bramnika «Homiela» Dzianisa Kaŭlinava zmahło zabić tym usiaho adnojčy.

A zaraz da padziej nastupnaha tura.

«Minsk» — «Enierhietyk-BDU»

• 27.09, 18:45. Stadyjon FK «Minsk».
• Kaeficyjenty: «Minsk» (pieramoha) — 1,80; ničyja — 3,80; «Enierhietyk-BDU» (pieramoha) — 3,98
• Matč pieršaha kruha — 3:3

Bukmiekiery ličać «Minsk» adnaznačnym favarytam derbi z «Enierhietykam». Chacia «studenty» nie mohuć pieramahčy ź siaredziny lipienia, śpisvać z rachunkaŭ ich nie varta, tym bolš u hulni ź nie našmat bolš stabilnym «Minskam».

Majskaja hulnia dźviuch minskich kamand skončyłasia bujnoj ničyjoj. Cikava, ci paradujuć jany i na hety raz vialikaj kolkaściu hałoŭ?

Prahnoz «NN»: ničyja.

«Dniapro» — «Słuck»

• 27.09, 20:45. Mahiloŭ, stadyjon «Spartak».
• Kaeficyjenty: «Dniapro» (pieramoha) — 2,16; ničyja — 3,38; «Słuck» (pieramoha) — 3,22
• Matč pieršaha kruha — 2:2

Mahiloŭcaŭ i słuččakoŭ padzialajuć piać tabličnych radkoŭ i dziesiać turnirnych bałaŭ, ale bukmiekiery ličać mienavita «Dniapro» favarytam hulni.

«Słuck» chacia i prajhraŭ dva apošnija matčy, ale suprać bolš stabilnych minskaha «Dynama» i «Tarpieda-BiełAZ» hladzieŭsia nie našmat horš. Tamu vybar ekśpiertaŭ davoli dziŭny.

Prahnoz «NN»: pieramoha «Słucka». Pasprabujem asprečyć mierkavańnie bukmiekieraŭ.

«Tarpieda-BiełAZ» — «Homiel»

• 28.09, 16:00. Žodzina, stadyjon «Tarpieda».
• Kaeficyjenty: «Tarpieda» (pieramoha) — 1,61; ničyja — 3,98; «Homiel» (pieramoha) — 5,05
• Matč pieršaha kruha — 3:2

Juryj Puntus narešcie byŭ pradstaŭleny ŭ jakaści hałoŭnaha treniera žodzinskaj kamandy. Za papiarednim matčam svajoj novaj kamandy ŭ Słucku jon naziraŭ z trybun, a ciapier zmoža kiravać padnačalenymi z trenierskaj pazicyi.

Što datyčycca «Homiela», to ŭ minułaj hulni traŭmavaŭsia lidar kamandy Vital Kvašuk — jaho z pola vynosili na nasiłkach. Ukrainiec, na ščaście ŭsich zaŭziataraŭ «bieła-zialonych», paźbiehnuŭ surjoznaj traŭmy, i ŭsie čakajuć jaho viartańnia na pole.

Pavialičyć

Prahnoz «NN»: pieramoha «Tarpieda». Paśla sychodu Skrypčanki ŭ žodzincaŭ usio, zdajecca, naładziłasia — dźvie pieramohi ŭ apošnich matčach. Tamu sprahnazujem praciah pieramožnaj sieryi.

BATE — «Nioman»

• 28.09, 20:45. «Barysaŭ-Arena».
• Kaeficyjenty: BATE (pieramoha) — 1,28; ničyja — 5,45; «Nioman» (pieramoha) — 9,50
• Matč pieršaha kruha — 1:0

Barysaŭcy ŭ tablicy adstajuć jak ad bieraściejskaha «Dynama», tak i ad «Šachciora». U Breście BATE nie zmahło pieramahčy, ciapier zastajecca čakać kanfuzu kankurentaŭ i samim nie hublać bały.

«Nioman», jak my kazali vyšej, zmoh pierarvać siamimatčavuju sieryju bieź pieramoh. Ale, zdajecca, jana tut ža i pačniecca znoŭ.

Prahnoz «NN»: pieramoha BATE.

«Słavija» — «Haradzieja»

• 29.09, 15:00. Mazyr, stadyjon «Junactva».
• Kaeficyjenty: «Słavija» (pieramoha) — 2,31; ničyja — 3,38; «Haradzieja» (pieramoha) — 2,93
• Matč pieršaha kruha — 0:1

U minułych anonsach my ŭžo pisali pra toje, jakija časy pieražyvaje mazyrski kłub. Da hetych bied dadałasia i dyskvalifikacyja hałoŭnaha treniera, jaki zanadta burna ŭspryniaŭ admienu pryznačanaha pienalci.

«Haradzieja» vystajała ŭ hulni z «Šachcioram» i, mahčyma, pakinuła jaho biez čempijonstva. Tak heta ci nie, budzie viadoma na finišy čempijanatu. 

Prahnoz «NN»: «Haradzieja» nie sastupić. Znoŭ niezrazumieły prahnoz ad bukmiekieraŭ, jakija, zdajecca, nie uličvać ani turnirnaje stanovišča, ani vyniki apošnich matčaŭ.

«Viciebsk» — «Isłač»

• 29.09, 17:00. CSK FK «Viciebsk».
• Kaeficyjenty: «Viciebsk» (pieramoha) — 2,47; ničyja — 3,38; «Isłač» (pieramoha) — 2,71
• Matč pieršaha kruha — 0:3

Matč kamand, jakija narešcie zmahli pieramahčy. «Viciebsk» zmoh uskočyć u pieršuju dziasiatku, a ŭ kantekście «Isłačy» znoŭ zahavaryli pra metu ŭ 50 nabranych bałaŭ.

Bukmiekiery ž nie asabliva vierać u «vaŭkoŭ», ličačy, što imaviernaść ich pieramohi krychu mienšaja za imaviernaść pieramohi haspadaroŭ. Što ž, pahladzim.

Prahnoz «NN»: totał, mienšy za 2.5.

«Dynama-Minsk» — «Šachcior»

• 29.09, 19:00. Minsk, stadyjon «Dynama».
• Kaeficyjenty: «Dynama» (pieramoha) — 2,95; ničyja — 3,50; «Šachcior» (pieramoha) — 2,25
• Matč pieršaha kruha — 0:3

Minskaje «Dynama» nabrała niebłahi chod, vyjhraŭšy šeść ź siami papiarednich matčaŭ i tryvała zamacavaŭšysia na čaćviortym radku. Zdajecca, i vyšej minčukam nie skoknuć, i niama kankurentaŭ za hetuju pazicyju.

«Šachcior», vidać, paśla niaŭdačy ŭ Haradziei pryjedzie zvyšmatyvavanym. Dośvied razhromu «Dynama» ŭ padnačalenych Tašujeva majecca, tamu nas čakaje sapraŭdny matč tura.

Prahnoz «NN»: pieramoha «Šachciora».

U suviazi sa źniaćciem z čempijanatu minskaha «Tarpieda» va ŭsich astatnich matčach «aŭtazavodcam» budzie prysudžana techničnaja paraza 0:3. Na hety raz pašancavała bresckamu «Dynama». 

TURNIRNAJA TABLICA

Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!

• 0
• 0
• 0
• 0
• 0
• 0
• 0
• 0