Матчы, што прайшлі ў сераду, ніяк не адбіліся на турнірнай інтрызе: у матчы года Брэст падзяліў балы з Барысавам, а «Шахцёр» не змог скарыстацца такім падарункам, зламаўшы зубы аб моцную «Гарадзею». «Віцебск» у рэшце рэшт змог выйграць, але без скандалу ў Мазыры не абышлося: у самым канцы матча галоўны арбітр прызначыў пенальці на карысць «Славіі», але потым яго адмяніў.
Антураж гульні «Дынама-Брэст» — БАТЭ. Фота Аляксея Камялькова.
Цяпер крыху пра матчы, што прайшлі ў мінулы ўікэнд. З іх варта адзначыць доўгачаканую вікторыю «Іслачы» і доўга-доўга чаканую перамогу «Нёмана». «Слуцк» праз кур'ёзны гол на апошніх хвілінах згубіў балы ў матчы з «Тарпеда-БелАЗ», а мінскае «Дынама» праз геройствы брамніка «Гомеля» Дзяніса Каўлінава змагло забіць тым усяго аднойчы.
А зараз да падзей наступнага тура.
«Мінск» — «Энергетык-БДУ»
- 27.09, 18:45. Стадыён ФК «Мінск».
- Каэфіцыенты: «Мінск» (перамога) — 1,80; нічыя — 3,80; «Энергетык-БДУ» (перамога) — 3,98
- Матч першага круга — 3:3
Букмекеры лічаць «Мінск» адназначным фаварытам дэрбі з «Энергетыкам». Хаця «студэнты» не могуць перамагчы з сярэдзіны ліпеня, спісваць з рахункаў іх не варта, тым больш у гульні з не нашмат больш стабільным «Мінскам».
Майская гульня дзвюх мінскіх каманд скончылася буйной нічыёй. Цікава, ці парадуюць яны і на гэты раз вялікай колькасцю галоў?
Прагноз «НН»: нічыя.
«Дняпро» — «Слуцк»
- 27.09, 20:45. Магілёў, стадыён «Спартак».
- Каэфіцыенты: «Дняпро» (перамога) — 2,16; нічыя — 3,38; «Слуцк» (перамога) — 3,22
- Матч першага круга — 2:2
Магілёўцаў і случчакоў падзяляюць пяць таблічных радкоў і дзесяць турнірных балаў, але букмекеры лічаць менавіта «Дняпро» фаварытам гульні.
«Слуцк» хаця і прайграў два апошнія матчы, але супраць больш стабільных мінскага «Дынама» і «Тарпеда-БелАЗ» глядзеўся не нашмат горш. Таму выбар экспертаў даволі дзіўны.
Прагноз «НН»: перамога «Слуцка». Паспрабуем аспрэчыць меркаванне букмекераў.
«Тарпеда-БелАЗ» — «Гомель»
- 28.09, 16:00. Жодзіна, стадыён «Тарпеда».
- Каэфіцыенты: «Тарпеда» (перамога) — 1,61; нічыя — 3,98; «Гомель» (перамога) — 5,05
- Матч першага круга — 3:2
Юрый Пунтус нарэшце быў прадстаўлены ў якасці галоўнага трэнера жодзінскай каманды. За папярэднім матчам сваёй новай каманды ў Слуцку ён назіраў з трыбун, а цяпер зможа кіраваць падначаленымі з трэнерскай пазіцыі.
Што датычыцца «Гомеля», то ў мінулай гульні траўмаваўся лідар каманды Віталь Квашук — яго з поля выносілі на насілках. Украінец, на шчасце ўсіх заўзятараў «бела-зялёных», пазбегнуў сур'ёзнай траўмы, і ўсе чакаюць яго вяртання на поле.
Віталь Квашук на насілках. Фота: ФК «Гомель».
Прагноз «НН»: перамога «Тарпеда». Пасля сыходу Скрыпчанкі ў жодзінцаў усё, здаецца, наладзілася — дзве перамогі ў апошніх матчах. Таму спрагназуем працяг пераможнай серыі.
БАТЭ — «Нёман»
- 28.09, 20:45. «Барысаў-Арэна».
- Каэфіцыенты: БАТЭ (перамога) — 1,28; нічыя — 5,45; «Нёман» (перамога) — 9,50
- Матч першага круга — 1:0
Барысаўцы ў табліцы адстаюць як ад берасцейскага «Дынама», так і ад «Шахцёра». У Брэсце БАТЭ не змагло перамагчы, цяпер застаецца чакаць канфузу канкурэнтаў і самім не губляць балы.
«Нёман», як мы казалі вышэй, змог перарваць сяміматчавую серыю без перамог. Але, здаецца, яна тут жа і пачнецца зноў.
Прагноз «НН»: перамога БАТЭ.
«Славія» — «Гарадзея»
- 29.09, 15:00. Мазыр, стадыён «Юнацтва».
- Каэфіцыенты: «Славія» (перамога) — 2,31; нічыя — 3,38; «Гарадзея» (перамога) — 2,93
- Матч першага круга — 0:1
У мінулых анонсах мы ўжо пісалі пра тое, якія часы перажывае мазырскі клуб. Да гэтых бед дадалася і дыскваліфікацыя галоўнага трэнера, які занадта бурна ўспрыняў адмену прызначанага пенальці.
«Гарадзея» выстаяла ў гульні з «Шахцёрам» і, магчыма, пакінула яго без чэмпіёнства. Так гэта ці не, будзе вядома на фінішы чэмпіянату.
Прагноз «НН»: «Гарадзея» не саступіць. Зноў незразумелы прагноз ад букмекераў, якія, здаецца, не улічваць ані турнірнае становішча, ані вынікі апошніх матчаў.
«Віцебск» — «Іслач»
- 29.09, 17:00. ЦСК ФК «Віцебск».
- Каэфіцыенты: «Віцебск» (перамога) — 2,47; нічыя — 3,38; «Іслач» (перамога) — 2,71
- Матч першага круга — 0:3
Матч каманд, якія нарэшце змаглі перамагчы. «Віцебск» змог ускочыць у першую дзясятку, а ў кантэксце «Іслачы» зноў загаварылі пра мэту ў 50 набраных балаў.
Букмекеры ж не асабліва вераць у «ваўкоў», лічачы, што імавернасць іх перамогі крыху меншая за імавернасць перамогі гаспадароў. Што ж, паглядзім.
Прагноз «НН»: тотал, меншы за 2.5.
«Дынама-Мінск» — «Шахцёр»
- 29.09, 19:00. Мінск, стадыён «Дынама».
- Каэфіцыенты: «Дынама» (перамога) — 2,95; нічыя — 3,50; «Шахцёр» (перамога) — 2,25
- Матч першага круга — 0:3
Мінскае «Дынама» набрала неблагі ход, выйграўшы шэсць з сямі папярэдніх матчаў і трывала замацаваўшыся на чацвёртым радку. Здаецца, і вышэй мінчукам не скокнуць, і няма канкурэнтаў за гэтую пазіцыю.
«Шахцёр», відаць, пасля няўдачы ў Гарадзеі прыедзе звышматываваным. Досвед разгрому «Дынама» ў падначаленых Ташуева маецца, таму нас чакае сапраўдны матч тура.
Прагноз «НН»: перамога «Шахцёра».
У сувязі са зняццем з чэмпіянату мінскага «Тарпеда» ва ўсіх астатніх матчах «аўтазаводцам» будзе прысуджана тэхнічная параза 0:3. На гэты раз пашанцавала брэсцкаму «Дынама».
ТУРНІРНАЯ ТАБЛІЦА
Дзяліцеся прагнозамі ў каментарах і абавязкова схадзіце на стадыён! Лічыце сябе экспертам у беларускім футболе — зрабіце стаўку ў Букмекерскай канторы Марафон!