Prezident Ukrainy Uładzimir Zialenski padkreślivaje, što nijakaj zdačy nacyjanalnych intaresaŭ krainy pry ŭrehulavańni kanfliktu na Danbasie nie budzie, paviedamlaje Interfaks-Ukraina.
«Paviercie, u mianie ŭžo alerhija na słova «kapitulacyja», i chaču čarhovy raz usich zapeŭnić, što nijakaj zdačy nacyjanalnych intaresaŭ Ukrainy nie budzie.
Heta nie pra mianie i heta nie pra Ukrainu», — skazaŭ jon u piatnicu ŭ Adesie na mierapryjemstvach z nahody budučaha Dnia abaroncy Ukrainy, što budzie śviatkavacca 14 kastryčnika.
Zialenski pakazaŭ, što Danbas — heta Ukraina, i tam pavinien ŭstalavacca mir. «Pavinna adbycca poŭnaje spynieńnie ahniu, viartańnie ŭsich našych pałonnych, vyvad zamiežnych vajennych farmiravańniaŭ, adnaŭleńnie kantrolu nad dziaržaŭnaj miažoj,
a miascovyja vybary tam pavinny adbycca vyklučna pa ŭkrainskim zakanadaŭstvie, pad nahladam nie kulamiotaŭ, a mižnarodnych naziralnikaŭ», — adznačyŭ jon.
Ciapier čytajuć
Minčuk zabiŭ maci i cieścia, a paśla 15 hadoŭ atrymlivaŭ za ich piensiju1
Kamientary