U Indyi razyhraŭsia skandał u suviazi z fatahrafijami navučencaŭ kaledža, jakija zdajuć ekzamieny z kardonkami na hałovach, piša BBC.
Zdymki byli zroblenyja padčas ispyta pa chimii ŭ padrychtoŭčym kaledžy Bchahat u horadzie Chaviery ŭ štacie Karnataka.
Na fota vučni siadziać za partami, na hałovach u ich kardonki, kab nie było mahčymaści śpisvać.
Administratar kaledža paprasiŭ prabačeńnia za hety incydent.
Pavodle jaho słoŭ, kaledž pajšoŭ na hetyja miery ŭ ekśpierymientalnym paradku, daviedaŭšysia, što jany ŭžyvalisia i ŭ inšych škołach.
Jon taksama śćviardžaŭ, što heta rabiłasia sa zhody navučencaŭ i što jany sami prynieśli kardonki.
«Nijakaha prymusa nie było. Na zdymkach vidać, što nie ŭsie studenty byli z kardonkami na hałovach, — skazaŭ administratar. — Niekatoryja źniali ich praz 15 chvilin, i my sami prapanavali źniać ich praz hadzinu».
Kiraŭniki kaledža zajavili, što skončyli z hetaj praktykaj i vykonvajuć rasparadžeńni miascovych orhanaŭ adukacyi.
Kamientary