Mininfarmacyi paŭščuvała sajt vitebsk.biz za fejk pra śmierć hiendyrektara «Marka»
Ministerstva infarmacyi vyniesła papiaredžańnie ŭładalniku internet-resursu vitebsk.biz, na jakim 13 sakavika była źmieščana publikacyja «U Minsku pamior hienieralny dyrektar STAA «Marka» Mikałaj Vasiljevič Martynaŭ», jakaja ŭtrymlivaje niedakładnuju infarmacyju pra śmierć kiraŭnika arhanizacyi.
Pavodle aficyjnaj infarmacyi Minzdaroŭja, ciapier u Biełarusi nie było zafiksavana śmierciaŭ ad zachvorvańniaŭ, vyklikanych karanavirusam.
Uličvajučy, što zaraz hramadskaja ŭvaha pryciahnuta da prablemy raspaŭsiudžvańnia dadzienaha virusa, publikacyja padobnaj infarmacyi spryjaje nahniatańniu paniki ŭ hramadstvie i ŭvodzić u zman hramadzian adnosna dziejańniaŭ dziaržavy pa baraćbie z dadzienym zachvorvańniem, a taksama parušaje kanstytucyjnaje prava hramadzian na atrymańnie poŭnaj, dakładnaj i svoječasovaj infarmacyi, havorycca ŭ paviedamleńni Mininfarma.
«Pavažanyja žurnalisty i błohiery! Prosim praviarać dakładnaść atrymanych źviestak i nie raspaŭsiudžvać niapeŭnuju infarmacyju», — zaklikaje viedamstva.
Kamientary