Ab hetym paśla narady pa pytańniach amnistyi i pamiłavańnia asob, asudžanych za złačynstvy ŭ śfiery niezakonnaha abarotu narkotykaŭ, paviedamiŭ staršynia Viarchoŭnaha suda Valancin Sukała, paviedamlaje Źviazda.
Pavodle jaho słoŭ, dadzienyja prybliznyja, bo budzie razhladacca kožny asobny čałaviek. A mienavita, jak jon siabie pavodzić, ci nie parušaje režym utrymańnia, nakolki jon viarnuŭ straty i raskajaŭsia.
«My ličym, što pad Zakon ab amnistyi mohuć padpaści prykładna 2000 asob, jakija buduć całkam vyzvaleny ź miescaŭ źniavoleńnia. 3500 buduć vyzvalenyja ad usich inšych vidaŭ pakarańniaŭ, jakija jość u Kryminalnym kodeksie. Prykładna da 6500 asudžanych moža być źnižana pakarańnie na adzin hod», — paviedamiŭ Valancin Sukała.
Staršynia Viarchoŭnaha suda padkreśliŭ, što asnoŭnaja zadača prajekta Zakona ab amnistyi — spałučyć bałans intaresaŭ, maksimalna zrabić mahčymym vyzvaleńnie asob i nie ŭskładnić kryminahiennuju abstanoŭku ŭ krainie.
«Tamu my zychodzili z ahulnaj kryminahiennaj situacyi ŭ krainie, stanu sudzimaści, pravaparadku ŭ krainie i ŭličvali vopyt minułych amnistyj», — dadaŭ Valancin Sukała.
Pa jaho słovach, ahulny recydyŭ aminiściravanych asob — 8—9 pracentaŭ. Viarchoŭny sud spadiaziecca, što heta amnistyja nie vyklikaje pavieličeńnia kolkaści złačynstvaŭ u krainie.
Jon taksama adznačyŭ surjoznyja debaty nakont prymianieńnia amnistyi da asudžanych za karupcyju. «My pryvodzili svaje dokazy, arhumienty, što navat tyja asoby, jakija asudžany za surjoznyja złačynstvy, časam zasłuhoŭvajuć pabłažki, kali jany pakryli straty, kali jany raskajalisia i viarnuli niezakonna atrymany dachod», — raskazaŭ Valancin Sukała.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie3
Kamientary