Аб гэтым пасля нарады па пытаннях амністыі і памілавання асоб, асуджаных за злачынствы ў сферы незаконнага абароту наркотыкаў, паведаміў старшыня Вярхоўнага суда Валянцін Сукала, паведамляе Звязда.
Паводле яго слоў, дадзеныя прыблізныя, бо будзе разглядацца кожны асобны чалавек. А менавіта, як ён сябе паводзіць, ці не парушае рэжым утрымання, наколькі ён вярнуў страты і раскаяўся.
«Мы лічым, што пад Закон аб амністыі могуць падпасці прыкладна 2000 асоб, якія будуць цалкам вызвалены з месцаў зняволення. 3500 будуць вызваленыя ад усіх іншых відаў пакаранняў, якія ёсць у Крымінальным кодэксе. Прыкладна да 6500 асуджаных можа быць зніжана пакаранне на адзін год», — паведаміў Валянцін Сукала.
Старшыня Вярхоўнага суда падкрэсліў, што асноўная задача праекта Закона аб амністыі — спалучыць баланс інтарэсаў, максімальна зрабіць магчымым вызваленне асоб і не ўскладніць крымінагенную абстаноўку ў краіне.
«Таму мы зыходзілі з агульнай крымінагеннай сітуацыі ў краіне, стану судзімасці, правапарадку ў краіне і ўлічвалі вопыт мінулых амністый», — дадаў Валянцін Сукала.
Па яго словах, агульны рэцыдыў амінісціраваных асоб — 8—9 працэнтаў. Вярхоўны суд спадязецца, што гэта амністыя не выклікае павелічэння колькасці злачынстваў у краіне.
Ён таксама адзначыў сур’ёзныя дэбаты наконт прымянення амністыі да асуджаных за карупцыю. «Мы прыводзілі свае доказы, аргументы, што нават тыя асобы, якія асуджаны за сур’ёзныя злачынствы, часам заслугоўваюць паблажкі, калі яны пакрылі страты, калі яны раскаяліся і вярнулі незаконна атрыманы даход», — расказаў Валянцін Сукала.
-
Стала вядома, якога святара-стараабрадца затрымалі ў Пастаўскім раёне
-
Хлопец з-пад Шаркаўшчыны пакінуў у спакоі сантэхніку — якую раней метадычна краў, — пайшоў у аўтаматчыкі і ўрэшце згінуў пад Купянскам
-
Грамадзяніну Літвы, што ладзіў у Пастаўскім раёне стараверскія богаслужэнні, пагражае дэпартацыя
Каментары