Mierkavańni1010

«Kaštoŭnaść — heta ludzi»: Zhurtavańnie biełarusaŭ śvietu zaklikała ŭłady admianić parad

Fota Nadziei Bužan z treniroŭki hanarovaj varty.

Zhurtavańnie biełarusaŭ śvietu «Baćkaŭščyna» i Sajuz biełaruskich piśmieńnikaŭ zaklikajuć ułady admianić publičnyja mierapryjemstvy. 

«Zhurtavańnie biełarusaŭ śvietu «Baćkaŭščyna» złučaje ŭ svaich šerahach pradstaŭnikoŭ biełaruskaj dyjaspary z bolš čym dvaccaci krain śvietu, ludziej samych roznych prafiesij i pohladaŭ, pajadnanych luboŭju da svajoj Radzimy i kłopatam pra jaje. Sajuz biełaruskich piśmieńnikaŭ pradstaŭlaje mierkavańnie biełaruskaj nacyjanalnaj kulturnaj intelihiencyi, stvaralnikaŭ sučasnaj biełaruskaj kultury. My vykazvajem svaju hłybokuju zaniepakojenaść pracesami, što zaraz adbyvajucca ŭ krainie, — vysokaj chutkaściu raspaŭsiudžańnia zachvorvańnia COVID-19 i adsutnaściu efiektyŭnych zachadaŭ pa supraćstajańni virusu z boku biełaruskich uładaŭ», — havorycca ŭ zajavie.

«Raspaŭsiudžańnie zachvorvańnia ŭ našaj krainie vyjaviła vostry niedachop srodkaŭ i materyjałaŭ, nieabchodnych miedykam dla jakasnaha i biaśpiečnaha vykanańnia svajoj pracy.

Nievyraznaja pazicyja biełaruskich uładaŭ, jakija dapuskajuć sumiaščeńnie surjoznych supraćepidemičnych zachadaŭ z pabłažlivaj i lehkadumnaj rytorykaj adnosna niebiaśpieki chvaroby, zmusiła nas źviarnucca sa zvarotam ab pasilnaj dapamozie da suśvietnaj biełaruskaj hramady, jakaja adhuknułasia, niahledziačy na toje, što taksama ŭ svajoj bolšaści znachodzicca ŭ padobnych składanych varunkach.

Dziasiatki hramadskich inicyjatyvaŭ pa zbory dapamohi špitalam i miedykam dziejničajuć i ŭ samoj Biełarusi. Ale asnoŭnaja rola ŭ baraćbie z hetaj suśvietnaj biadoju pavinna naležać dziaržavie.

Dośvied krainaŭ, u jakich atrymałasia pierałamać dynamiku raspaŭsiudu virusa, a taksama materyjały admysłova składzienych dla Biełarusi paradaŭ Suśvietnaj arhanizacyi achovy zdaroŭja (SAAZ), dazvalajuć nam mierkavać, što adnym z hałoŭnych čyńnikaŭ musić być admiena ŭsich masavych mierapryjemstvaŭ, infarmavańnie hramadzianaŭ ab niebiaśpiecy, jakuju niasie COVID-19, a taksama vykanańnie sanitarnych patrabavańniaŭ i sacyjalnaha dystancyjavańnia.

My viedajem, što šmat arhanizacyj biełaruskaj hramadzianskaj supolnaści i biznes-strukturaŭ, dbajučy pra zdaroŭje svaich supracoŭnikaŭ, pierajšli na dystancyjnuju pracu, nie čakajučy adpaviednych zachadaŭ z boku dziaržavy».

«Samaja hałoŭnaja kaštoŭnaść našaj krainy — heta ludzi. Kłopat pra ich žyćcio i zdaroŭje — naš ahulny pryjarytet», — padkreślivajecca ŭ zajavie.

«A tamu my źviartajemsia da biełaruskich uładaŭ z patrabavańniem admianić praviadzieńnie parada 9 maja ŭ stalicy Biełarusi Minsku. My razumiejem, što 75-hodździe Pieramohi — važnaja dla biełaruskaj dziaržavy padzieja, ale śviatkavańnie jubileju nie pavinna vieści da novych achviaraŭ siarod biełarusaŭ u mirny čas.

Srodki, jakija mohuć być zatračanyja na hetaje śviatkavańnie, varta nakiravać na naroščvańnie resursu miedycynskich ustanoŭ, nabyćcio materyjałaŭ i srodkaŭ dla baraćby z pandemijaj, a taksama na padtrymku pradstaŭnikoŭ uraźlivych da karanavirusa hrup hramadzianaŭ», — zaznačajuć aŭtary zvarotu.

Kamientary10

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»10

«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»

Usie naviny →
Usie naviny

Cichanoŭski na mitynhu ŭ Varšavie: Ja złamaju hety režym VIDEA13

Rasijskija anłajn-karty z hoda ŭ hod adbivajuć biełaruskuju aŭdytoryju ŭ Google16

Jak adklučeńnie internetu ŭ Iranie raptam raskryła suviaź Tehierana z šatłandskim sieparatyzmam

Restarany Mak.by siońnia niezapłanavana spyniali svaju pracu

«Pacyjenty dzivilisia, ciapier vitajucca na vulicy. Tolki nie treba kazać Hello, bro!» U Barysavie žyvie i pracuje doktar ź Nihieryi3

«Džyn vypuščany z butelki». Pačałasia praca pa stvareńni štučnaj čałaviečaj DNK5

U Viciebskaj vobłaści złavili niezvyčajnaha taŭstałobika-albinosa

Na adnym sa skryžavańniaŭ u Homieli nanieśli padvojnyja «ziebry». Navošta heta?

Ihar Karniej: «Adšukali bolš za 50 niepadpisanych tekstaŭ, aŭtarstva jakich prypisali mnie»

bolš čytanych navin
bolš łajkanych navin

«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»10

«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»

Hałoŭnaje
Usie naviny →

Zaŭvaha:

 

 

 

 

Zakryć Paviedamić