U noč na 27 červienia pamior Siarhiej Kuźniacoŭ, majstar sportu Respubliki Biełaruś pa paŭerliftynhu, rekardsmien krainy ŭ žymie ležačy, sudździa I katehoryi. U mai jamu spoŭniłasia 39 hadoŭ, piša «Bresckaja hazieta».
«Dobraha čałavieka pavinna być šmat. I jaho było šmat — tak šmat, što chapała na ŭsio — i 250 kh pacisnuć, i siamju paciahnuć, i ź siabrami prysieści. U hetym niama kałambura. U paŭerliftynhu (a mienavita tam i cisnuć, i ciahnuć, i prysiadajuć) Siarhiej byŭ kankurentazdolny va ŭsim — u ekipiroŭcy i kłasicy, u trochborji i asobnych ruchach. Jon padymaŭ tak šmat i tak mahutna, što za im zamacavałasia zvańnie «Bresckaha zubra». I čym macniejšy jon byŭ, tym bolš niečakany byŭ jaho sychod. Z televizara kažuć, što karanavirus —heta chvaroba starych, na spravie jon zabraŭ čempijona ŭ samym roskvicie sił…», — havorycca na staroncy supolnaści «Paŭerliftynh u Biełarusi» UKantakcie.
Na svaju staronku ŭ hetaj sacsietcy apošni raz Siarhiej Kuźniacoŭ zachodziŭ 15 červienia. 19 červienia jaho kalehi paviedamili, što ŭ Kuźniacova — karanavirus i što jon znachodzicca ŭ ciažkim stanie, a ŭnačy 27 červienia jaho nie stała.
Jaho pachavali 28 červienia na Paŭnočnych mohiłkach.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary