U Maskvie vychodzili hrošy z «Pahoniaj»: «Technałohija» rychtuje albom pra maniety VKŁ
Na «Vulli» źbirali pieradzamovy na encykłapiedyju «100 maniet Vialikaha Kniastva Litoŭskaha». Padtrymać vydańnie možna było da 20 lipienia.
Paźniej stała viadoma: Na knihu «100 maniet VKŁ» sabrali 7400 rubloŭ. Ale «Biełhazprambank» nie addaść ich vydaŭcam
Voś što, miž inšaha, možna budzie pračytać u knizie:
«U dvaccatyja hady XV stahodździa mahutnaść Vitaŭta dasiahnuła maksimumu, a va ŭschodnich susiedziaŭ — Maskoŭskaha kniastva — saśpiavaŭ dynastyjny kryzis. Vialiki kniaź Vasil Dźmitryjevič žadaŭ pieradać stalec pa sabie dzieviacihadovamu synu, taksama Vasilu, kali byŭ žyvy jašče małodšy brat haspadara, Jury Dźmitryjevič. Maci małoha była dačka Vitaŭta Sofja, i Vasil I u svajoj spravie sprabavaŭ abapiercisia, miž inšym, i na svajho mahutnaha cieścia.
Pa śmierci Vasila ŭ 1425 hodzie kiravańnie Maskoŭskaj dziaržavaj niekatory čas ažyćciaŭlałasia z udziełam jahonaje ŭdavy — dački Vitaŭta Sofji. U hety čas i źjavilisia maskoŭskija hrošy z «Pahoniaj» i inicyjałam Vitaŭta V', što adlustroŭvała, badaj, upłyŭ Vitaŭta na maskoŭskuju palityku. «Pahonia» tut źjaŭlajecca ŭ svaim amal kłasičnym vyhladzie — jak siłuet vieršnika, jaki skača na ŭvieś apor z zaniesienym nad hałavoj miačom.
«Pahonia» na toj čas była ziamielnaj emblemaj centralnaj ziamli Vialikaha Kniastva Litoŭskaha — Vilenskaj, ale na praciahu XV stahodździa pieratvaryłasia ŭ hieraldyčny simvał usiaje dziaržavy. Adnosny spakoj va ŭzajemaadnosinach urada małoha Vasila Vasiljeviča ź dziadźkam, Juryjem Dźmitryjevičam, skončyŭsia adrazu pa śmierci Vitaŭta ŭ 1430 hodzie».
Pavodle knihi «100 maniet Vialikaha Kniastva Litoŭskaha» Dz. Huleckaha i M. Daraškieviča.
Aficer-pahraničnik, jaki prajšoŭ praz turmu, raskazvaje pra žyćcio «da» i «paśla» dyj nie škaduje słoŭ pahardy dla amapaŭcaŭ3
Kamientary