Nadzieja Saŭčanka źviarnułasia da Łukašenki z prośbaj vyzvalić biełaruskich palitviaźniaŭ
Ukrainka, były palitviazień Nadzieja Saŭčanka źviarnułasia da Alaksandra Łukašenki i zaklikała vyzvalić palitviaźniaŭ u Biełarusi. Pra heta jana napisała na svajoj staroncy ŭ fejsbuku.
Saŭčanka pavinšavała Łukašenku i ŭvieś biełaruski narod z aficyjnym dniom niezaležnaści Biełarusi i pažadała miru, niezaležnaści i roskvitu. Pa jaje słovach, jana nie choča leźci va ŭnutranyja spravy susiedniaj krainy, adnak «nielha zastavacca abyjakavym, kali ŭ domie pažar u susieda».
«Najvyšejšaje dasiahnieńnie lidara — umieć uzhadavać sabie hodnuju zamienu i svoječasova pieradać uładu, kab jašče paśpieć prakantralavać viernaść šlachu ŭ budučyniu svajoj dziaržavy», - piša Saŭčanka.
Na jaje dumku, ukrainskija pravadyry na takuju samaachviarnuju luboŭ da svajoj krainy apynulisia niazdolnyja, tamu va Ukrainie idzie vajna.
«Ja źviartajusia da vas, Alaksandr Ryhoravič, jak palitviazień u Rasii i va Ukrainie. Mnie daviałosia dvojčy prajści hety šlach. I ja viedaju pra parušeńni pravoŭ čałavieka nie pa čutkach. Ja prašu vas, Alaksandr Ryhoravič, vyzvalić z-za krataŭ ludziej, jakija pryznanyja biełaruskimi pravaabaroncami i suśvietnaj supolnaściu viaźniami sumleńnia», — piša Saŭčanka.
Dalej jana pryvodzić śpis z 24 čałaviek, jakich pravaabaroncy pryznali palitviaźniami. Siarod ich — Siarhiej Cichanoŭski, Viktar Babaryka, Eduard Babaryka, Mikałaj Statkievič, Pavieł Sieviaryniec, Ihar Łosik, Volha Nikałajčyk i inšyja.
«Hetyja ludzi nikoli nie buduć zhodnyja z vašym mierkavańniem, i jany buduć nie samotnyja, ich padtrymajuć šmat chto ŭ vašaj krainie. Ale pakinuć ludziam prastoru ŭ krainie na ich mierkavańnie treba. Lepš mieć adkrytuju apazicyju, čym kułuarnyja intryhi i nož u śpinie ad susiedziaŭ»»
Kamientary