Prezident Litvy: Kali Minsk budzie pieraśledavać apanientaŭ, Vilnia admovicca ad pahłyblenaha supracoŭnictva

Pra heta zajaviŭ litoŭski prezident Hitanas Naŭsieda, piša LRT.
Naŭsieda padkreśliŭ, što paśla taho, jak jon staŭ prezidentam, rašeńnie Litvy adnavić dyjałoh ź Biełaruśsiu adpaviadaje i źmienam palityki ZŠA, a taksama Jeŭrasajuza ŭ dačynieńni da hetaj krainy. Ale Litva vykarystoŭvaje ŭ dačynieńni da Biełarusi vybaračnuju palityku, pravodziačy «čyrvonyja linii» — naprykład, u pytańniach abarony pravoŭ čałavieka i biaśpieki BiełAES.
— My sprabujem dapamahčy Biełarusi ŭ stvareńni bolšaj niezaležnaści, suvierenitetu, kali jany nasamreč ščyra imknucca da hetaha. Ja dumaju, što takaja palityka maje sens, ale dla hetaha treba adno — hetyja «čyrvonyja linii» nie pavinny pierasiakacca, — skazaŭ Naŭsieda.
— Kali akažacca, što biełaruskija ŭłady sprabujuć zachavać svoj mandat lubymi srodkami, u tym liku ihnarujučy pravy čałavieka, adkryta pieraśledujučy palityčnych apanientaŭ pad roznymi padstavami, to nam daviadziecca zajavić, što dla nas heta nieprymalna. I ŭ nas niama ni maralnaha, ni inšaha prava pahłyblać adnosiny z takoj dziaržavaj — adznačyŭ Naŭsieda.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
Kamientary