Hienštab Biełarusi zajaviŭ pra ŭzmacnieńnie vajennaha patencyjału susiednich krain
Na terytoryi susiednich krain prymajucca «biesprecedentnyja miery», «vielmi surjozna ŭzmocnienaja raźviedvalnaja dziejnaść». Pra heta raspavioŭ u efiry telekanała ANT Rusłan Kasyhin, načalnik Hałoŭnaha ŭpraŭleńnia Hienieralnaha štaba Uzbrojenych Siłaŭ Biełarusi, piša Tut.by.
— Na terytoryi susiednich krain prymajucca biesprecedentnyja miery pa naroščvańni jak ułasnych vajennych patencyjałaŭ, tak i mahčymaściaŭ pa pryjomie i raźmiaščeńni na svajoj terytoryi zamiežnych kantynhientaŭ, — skazaŭ u efiry telekanała Rusłan Kasyhin.
— Adnačasova, i heta adznačajem my, vielmi surjozna ŭzmocnienaja raźviedvalnaja dziejnaść suprać našaj krainy ŭ tym liku.
— U ciapierašni čas na terytoryi jeŭrapiejskich dziaržaŭ pravodzicca piać bujnych mierapryjemstvaŭ apieratyŭnaj i bajavoj padrychtoŭki. Užo siońnia na terytoryi sumiežnych dziaržaŭ z našaj krainaj u ramkach apieracyj «Atłantyčnaja rašučaść», «uzmocnienaja pieradavaja prysutnaść», «Bałtyjskaja pavietranaja palicyja», na pastajannaj asnovie znachodzicca kantynhient vojskaŭ, jaki naličvaje ŭ svaim składzie bolš za dziesiać tysiač čałaviek, bolš za 40 bajavych latalnych aparataŭ, bolš za 500 adzinak ciažkaj vajennaj techniki.
Raniej Alaksandr Łukašenka zajaviŭ, što ŭ Biełarusi «chočuć adsiekčy Hrodzienskuju vobłaść» inšyja krainy.
Kamientary