Makiej padziakavaŭ Łaŭrovu za strymanuju pazicyju pa Biełarusi i skazaŭ, što krainam Zachadu nie ŭdałosia realizavać ukrainski scenar
Ab hetym kiraŭnik biełaruskaha MZS zajaviŭ padčas vizitu ŭ Maskvu, piša TASS.
Biełaruś nacelenaja na adkryty dyjałoh z RF pa ŭsich aktualnych pytańniach, skazaŭ Makiej i dadaŭ, što Biełaruś nie dazvoliła krainam Zachadu realizavać scenar Ukrainy.
— Siońnia nam prychodzicca adkazvać jak na ŭnutranyja, tak i na źniešnija, u pieršuju čarhu, vykliki. Pryčym apošnija ŭ bolšaj stupieni pradvyznačajuć pieršyja. Tym nie mienš, chaču skazać, što my vytrymali pieršy nacisk i nie dazvolili realizavać u Biełarusi ŭkrainski scenar, scenar kalarovaj revalucyi, arhanizavanaj zvonku, — skazaŭ jon.
Makiej padziakavaŭ Łaŭrovu za vytrymanuju i vyraznuju pazicyju Maskvy pa situacyi ŭ krainie.
— Ja b chacieŭ vykazać udziačnaść rasijskamu boku za vytrymanuju, piśmiennuju i vyraznuju reakcyju na padziei, jakija razhortvalisia i razhortvajucca ŭ Biełarusi, — skazaŭ Makiej.
Biełaruś zacikaŭlena ŭ abmienie dumkami z rasijskim bokam pa ŭsich aktualnych pytańniach, adznačyŭ jon.
— Naceleny na adkryty dyjałoh, zacikaŭleny ŭ abmienie dumkami pa ŭsich aktualnych pytańniach dvuchbakovaha i šmatbakovaha paradku dnia, — skazaŭ jon.
Makiej adznačyŭ, što peŭnaje palityčnaje supraćstajańnie ŭ Biełarusi praciahvajecca, ale ŭzrovień jaho napału značna źniziŭsia.
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj16
Kamientary