Piaskoŭ adkazaŭ na zajavu Łukašenki ab falsifikacyi słoŭ Mierkiel ab Navalnym
Pres-sakratar prezidenta Dźmitryj Piaskoŭ prakamientavaŭ zajavu Alaksandra Łukašenki ab falsifikacyi vystupu Anhieły Mierkiel, piša RBK.
Pradstaŭnik Kramla adznačyŭ, što Łukašenka nie pradstaviŭ nijakich śviedčańniaŭ.
«Jon tolki zajaviŭ pra heta, skazaŭ, što daść materyjały, inšych źviestak pakul niama», — skazaŭ Piaskoŭ.
Raniej Łukašenka padčas sustrečy z premjer-ministram Rasii Michaiłam Mišuścinym u Minsku skazaŭ, što jaho śpiecsłužby pierachapili razmovu «Varšavy i Bierlina» pra spravu Navalnaha. Pavodle jaho słoŭ, zapis dakazvaje, što zajavy kanclera Anhieły Mierkiel ab atručeńni zasnavalnika FBK Alaksieja Navalnaha źjaŭlajucca falsifikacyjaj.
«Ja vam pavinien skazać, što ŭčora ci pazaŭčora, ja dakładna nie pamiataju, da vystupu Mierkiel my pierachapili razmovu. My tak razumiejem, Varšava razmaŭlaje ź Bierlinam. Dva abanienty na suviazi. Pierachapiła naša radyjoelektronnaja vajennaja raźviedka, <…> my, viadoma, viadziom i ŭ radyjośfiery prociborstva z nataŭcami. I my pierachapili cikavuju razmovu, jakaja (ja vam dam pačytać jaho, my padrychtujem i nakirujem u FSB) vyrazna kaža pra toje, što heta falsifikacyja. Nijakaha atručvańnia Navalnaha nie było», — zajaviŭ Łukašenka.
Kamientary