«Vyručki niama, ludziam nie da restaranaŭ». Bar «Kalinoŭski» pradajecca
Bar «Kalinoŭski» adkryŭsia ŭ červieni minułaha hoda na tusovačnaj Zybickaj. Ułaśniki rabili staŭku na aŭtarskija nastojki i zakuski pa receptach sučasnaj biełaruskaj kuchni. Na adkryćcio tady sabraŭsia ŭvieś biełaruski bamond.
Na Zybickaj adkryŭsia novy bar Kalinoŭski. Na ścienach — cytaty z «Mužyckaj praŭdy»
«Dranikaŭ u mieniu nie budzie». Zasnavalnik bara «Kalinoŭski» pra adnosiny ź dziaržorhanami, biełaruskuju movu i viaskovyja interjery
Ciapier ustanova vystaŭlena na prodaž. Ułaśnik Alaksiej Słavuta kaža, što pryčyna — finansavyja ciažkaści.
«Spačatku karanavirus byŭ. Potym, kali pačałasia takaja palityčnaja situacyja, znoŭ nie da baraŭ-restaranaŭ stała. Apošni miesiac ludziej amal nie było, my praktyčna nie pracavali. Vyručki niama. A arendadaŭca admaŭlajecca rabić źnižku», — dzielicca Alaksiej.
«Kalinoŭski» pradajecca za 92 tysiačy rubloŭ. Ułaśnik tłumačyć, što aryjentavaŭsia na košty na padobnyja bary i restarany na Zybickaj i Revalucyjnaj.
«Užo niekalki čałaviek telefanavała. Budu šukać pakupnika, jaki dalej praciahnie pracavać u takim farmacie. Ale nieviadoma, jak jano atrymajecca», — kaža Alaksiej.
Pa jaho słovach, finansavyja prablemy ciapier nie tolki ŭ jaho. «Dumaju, šmat jakija ŭstanovy začyniacca, bo nie pieražyvuć zimu».
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić
Kamientary