Pryjom z nahody Dnia Niezaležnaści ZŠA 4 lipienia byŭ raźvitalnym dla pasła Džordža Kroła. Amerykanski pasoł vystupiŭ na im z pramovaj na biełaruskaj movie. Jon hetak raschvalavaŭsia pad kaniec vystupu, što hołas jaho zatrymcieŭ i jon ledź strymlivaŭ ślozy.
Pryjom z nahody Dnia Niezaležnaści ZŠA 4 lipienia byŭ raźvitalnym dla pasła Džordža Kroła. Amerykanski pasoł vystupiŭ na im z pramovaj na biełaruskaj movie. Jon hetak raschvalavaŭsia pad kaniec vystupu, što hołas jaho zatrymcieŭ i jon ledź strymlivaŭ ślozy. «Biełaruś budzie z mnoju», – pryznaŭsia jon. «Za našu i vašu svabodu!» – pračytavaŭ jon słovy Tadevuša Kaściuški, hieroja vajny za niezaležnaść Złučanych Štataŭ. – Niachaj žyvuć ZŠA i niachaj žyvie Biełaruś!» – skončyŭ jon.
Paśla hetaha prahučali himny – biełaruski «Mahutny Boža» i amerykanski.
Hety była druhaja dyplamatyčnaja misija sp.Kroła ŭ Biełarusi i pieršaja ŭ karjery ŭ jakaści pasła. Adnosiny Biełarusi i ZŠA byli nia kiepskimi, a vielmi kiepskimi ŭsie hady pasłoŭstva Dž.Kroła. Biełaruś aktyŭna ŭdzielničała ŭ antyamerykanskim internacyjanale, a amerykanski kanhres pryniaŭ Akt pra demakratyju ŭ Biełarusi. Nieviadoma, ci budzie kali ŭ karjery Dž.Kroła bolš składanaja, jak u Miensku, misija. «Biełaruś pavinna viarnucca ŭ mejnstrym eŭrapiejskaj historyi», – tak jon sfarmulavaŭ svajo bačańnie zadačy ŭ adnym z vystupaŭ. Kali ŭ 2003 hodzie Biełaruś zajmała ci nie apošni radok siarod pryjarytetaŭ amerykanskaj dyplamatyi, dyk u 2006 hodzie ŭvaha da jaje značna vyrasła. U hetym niemałaja zasłuha vytrymanaha i ciarplivaha ambasadara.
Sympatyi biełaruskaha bamondu jon zavajavaŭ svajoj miłahučnaj biełaruskaj movaj i niepadrobnaj luboŭju da našaj kultury. Jon nia tolki zahavaryŭ pa-biełarusku sam, ale i biełarusizavaŭ žyćcio ambasady. Majučy mała mahčymaściaŭ kamunikacyi z aficyjnymi ŭładami, jon nie prapuskaŭ nivodnaj nahody dla kantaktu z prostymi biełarusami. Jon nie minaŭ nivodnaj knižnaj navinki i byŭ asabista znajomy z usimi biełaruskimi rokierami. Karaciej, poŭnaja procilehłaść typovamu łukašenkaŭskamu čynoŭniku.
Pavodle infarmacyi «NN», novym ambasadaram ZŠA ŭ našaj krainie moža stać stać dyplamatka z dośviedam pracy ŭ Miensku pry pasłu Majkłu Kozaku, jaki vyłučaŭsia žorstkim staŭleńniem da łukašenkaŭskaj administracyi.
Kamientary