Pavodle tradycyi jon pravodzicca kala zamka Narviliški, jaki raźmiaščajecca na adlehłaści 50 mietraŭ ad biełaruska‑litoŭskaj miažy.
12 červienia ŭ Litvie adkryvajecca rok‑fiestyval Ve2gether («Budziem razam»). Pavodle tradycyi jon pravodzicca kala zamka Narviliškies, jaki raźmiaščajecca na adlehłaści 50 mietraŭ ad biełaruska‑litoŭskaj miažy.
Inicyjataram i hałoŭnym arhanizataram fiestyvalu źjaŭlajecca litoŭski biźniesmien Hiedrus Klimkiavičus. Pavodle jaho słoŭ, ideja Ve2gether — zbližeńnie litoŭskaha i biełaruskaha narodaŭ. Pieršy fiestyval Ve2gether prajšoŭ u žniŭni 2007 hoda, druhi — u žniŭni 2008 hoda.
Sioleta chedłajnierami fiestyvalu buduć hurty Gogol Bordello (SŠA), Clawfinger (Šviecyja), Touch And Go (Vialikabrytanija), Polarkreis 18 (Hiermanija), Roni Size (Vialikabrytanija), Dilated Peoples (ZŠA). Ad Biełarusi vystupiać «Lapis Trubiackoj» i The Toobes.
Fiestyval budzie doŭžycca pa 14 červienia. Padčas jaho budzie pracavać kinateatr pad adkrytym niebam, projduć spartyŭnyja hulni i šerah inšych kulturna‑zabaŭlalnych mierapryjemstvaŭ.
Dla biełaruskich hledačoŭ Ve2gether litoŭski bok vydavaŭ vizy biaspłatna. Pahraničnyja administracyi Biełarusi i Litvy damovilisia, što padčas praviadzieńnia fiestyvalu punkt propusku «Pickuny — Narviliškies» budzie pracavać u režymie miždziaržaŭnaha.
Biełaruskija hramadzianie, jakija majuć bilet na fiestyval i vizu, zmohuć pierasiačy miažu jak pieški, hetak i na aŭtamabili.
Punkt budzie pracavać: 12 červienia z 18.00 da 22.00, 13‑ha — z 12.00 da 22.00, 14‑ha — z 16.00 da 20.00.
Kamientary