«Vyvučali historyi vaśmi pamierłych». U Minzdaroŭja siońnia razhledziać situacyju z kisłarodam u viciebskaj BCHMD
U Ministerstvie achovy zdaroŭja 30 sakavika projdzie pasiadžeńnie lačebna-kantrolnaha savieta, na jakim razhledziać nadzvyčajnaje zdareńnie z padačaj kisłarodu chvorym na ŠVŁ 7-8 studzienia ŭ Viciebskaj haradskoj kliničnaj balnicy chutkaj miedycynskaj dapamohi. Pra heta Tut.by paviedamiŭ zahadčyk adździaleńnia aniestezijałohii i reanimacyi Uładzimir Martaŭ, jaki ŭ pačatku sakavika apublikavaŭ hetuju prablemu ŭ intervju partału.
— Na minułym tydni ŭ Viciebskaj BCHMD prajšli patołahaanatamičnyja kanfierencyi. Kamisii Ministerstva achovy zdaroŭja vyvučali miedycynskuju dakumientacyju.
Na kanfierencyjach razabrali 8 historyj chvaroby pacyjentaŭ, jakija pamierli ŭ chirurhičnym korpusie 7-8 studzienia i paźniej, — paviedamiŭ Uładzimir Martaŭ. — U dvuch pacyjentaŭ z vaśmi ŭ historyi chvaroby byli zapisy doktara ab spynieńni padačy kisłarodu — i ŭ hetych dvuch čałaviek na kanfierencyjach vyjavili pryčynna-vynikovuju suviaź z paharšeńniem ich stanu. U astatnich pacyjentaŭ, u kaho ŭ kartach zapisaŭ pra kisłarod nie było, hetuju suviaź nie ŭstanavili.
Zahadčyk adździaleńnia aniestezijałohii i reanimacyi raspaviadaje, što ludzi paśla zdareńnia pamirali pa-roznamu:
— Chtości, naprykład, pamior 12 studzienia, ale suviaź sa spynieńniem padačy kisłarodu ŭ jaho śmierci ŭstanoŭlena. Chtości pamior adrazu — 7 studzienia, — ale suviaź nie ŭstanoŭlena.
Uładzimir Martaŭ kaža, što jamu i kaleham važna daviedacca, da jakich vysnoŭ pryjdzie lačebna-kantrolny saviet Ministerstva achovy zdaroŭja:
— Lačebna-kantrolny saviet Ministerstva achovy zdaroŭja — heta vyšejšy orhan viedamstva, na jakim raźbirajuć roznyja nadzvyčajnyja zdareńni. Mnie, supracoŭnikam našaha adździaleńnia, a taksama mnohim biełaruskim daktaram prafiesijna cikava daviedacca, jak rasśledavali viciebski vypadak, jakija rašeńni ŭ vyniku prymuć, jakija zrobiać vysnovy.
Nahadajem, staršynioj lačebna-kantrolnaha savieta (ŁKS) Ministerstva achovy zdaroŭja źjaŭlajecca pieršy namieśnik ministra achovy zdaroŭja Alena Bohdan. Da pracy ŁKS mohuć pryciahvacca hałoŭnyja štatnyja i pazaštatnyja śpiecyjalisty Ministerstva achovy zdaroŭja, kiraŭniki i śpiecyjalisty ŭpraŭleńniaŭ achovy zdaroŭja abłvykankamaŭ, kamiteta pa achovie zdaroŭja Minharvykankama, miedustanoŭ.
ŁKS daje acenku «stanu, dastupnaści i jakaści miedycynskaj dapamohi, jakaja akazvajecca nasielnictvu», vyznačaje «napramki pa ŭdaskanaleńni jakaści akazańnia miedycynskaj dapamohi».
-
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
-
Minskim Šabanam pryśviacili modnuju kalekcyju: dzie kupić i što pa cenach?
-
Andruś Biezdar, jaki vyjšaŭ ź SIZA, raskazaŭ, jak jaho sprava ciapier i što budzie dalej
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary