Nikoł Pašynian, jaki vykonvaje abaviazki premjera Armienii, zajaviŭ, što napisaŭ list prezidentu Rasii Uładzimiru Pucinu, u jakim paprasiŭ akazać Jerevanu dapamohu, u tym liku vajennuju u suviazi ź situacyjaj u Siunikskaj vobłaści (rehijon na poŭdni krainy, jaki miažuje i na ŭschodzie, i na zachadzie z Azierbajdžanam), paviedamlaje news.am.
Pavodle słoŭ Pašyniana, pra hatoŭnaść akazać vajennuju dapamohu Armienii ŭžo zajaviła Francyja: jana hatovaja dapamahčy ŭrehulavać situacyju na miažy z Azierbajdžanam u ramkach mandata AAN.
Pašynian zapytaŭ dapamohu Rasii ŭ adpaviednaści z Dahavoram ab družbie, supracoŭnictvie i ŭzajemnaj dapamozie ad 1997 hoda.
Ranicaj 12 maja ŭ Minabarony Armienii zajavili, što azierbajdžanskija vajskoŭcy «na padstavie «ŭdakładnieńnia miežaŭ» pasprabavali pravieści peŭnyja raboty na adnym z pamiežnych učastkaŭ». Paśla ŭmiašańnia armianskich vajskoŭcaŭ hetyja pracy spynilisia.
Pašynian acharaktaryzavaŭ heta jak zamach na suvierennuju terytoryju Armienii. Pavodle jaho słoŭ, azierbajdžanskija vajskoŭcy pierajšli armianskuju miažu ŭ rajonie voziera Sieŭlič i prajšli ŭhłyb krainy na 3,5 km.

Kamientary