DziaržSMI: U Biełarusi ŭžo jość «Iskandery». Raźbirajemsia, ci tak heta?
Ministr abarony Viktar Chrenin daŭ intervju kanału «Al Džazira», paśla jakoha dziaržaŭnyja miedyja pačali tyražyravać, što Biełaruś užo maje «Iskandery». Heta rasijskija mabilnyja rakietnyja kompleksy z dalnaściu da 500 kiłamietraŭ. Ale ci sapraŭdy heta tak i «Iskandery» ŭžo ŭ Biełarusi?
«Adznačym, što «Iskander-M» — heta patencyjny nośbit jadziernaj zbroi. I zhodna ź mižnarodnym režymam kantrolu za rakietnymi technałohijami. Nivodnaja kraina śvietu nie moža pieradavać inšaj rakietnyja sistemy z dalnaściu, bolšaj za 300 kiłamietraŭ, tym bolš ź jadziernym abstalavańniem, — tłumačyć vajskovy analityk Alaksandr Alesin. — Raźmiaščeńnie ich mahčymaje na terytoryi Biełarusi tolki z rasijskim piersanałam.
Pryčym, kompleks moža prabyć u Biełarusi nie bolš za dva miesiacy, paśla musić być ratacyja, to-bok, zamiena inšymi, inakš heta supiarečyć mižuradavym pahadnieńniam.
Tamu tut hutarka idzie pra toje, što «Iskandery» jakraz pakul nie patrebnyja, bo jany jość u Rasii: u Kalininhradskaj vobłaści i na ŭzbrajeńni Pieršaj hvardziejskaj tankavaj armii.
Što mieŭ na ŭvazie Chrenin, kali skazaŭ, što «Iskandery», kali spatrebiacca, tut ža buduć? Najchutčej, što kompleksy chutka pryjeduć z Rasii — «Iskandery» mabilnyja, mohuć ruchacca z chutkaściu 70-75 kiłamietraŭ.
Za hadzin 10 jany dajeduć da Biełarusi. I ŭ nas ža adzinaja vajskovaja hrupiroŭka, jakaja ŭ vypadku vajny pačynaje dziejničać jak adno cełaje, ź pierabroskaj da nas rasijskich vajskoŭcaŭ, što i adpracoŭvajecca na vučeńniach».
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks13
Kamientary