ДзяржСМІ: У Беларусі ўжо ёсць «Іскандэры». Разбіраемся, ці так гэта?
Міністр абароны Віктар Хрэнін даў інтэрв’ю каналу «Аль Джазіра», пасля якога дзяржаўныя медыя пачалі тыражыраваць, што Беларусь ужо мае «Іскандэры». Гэта расійскія мабільныя ракетныя комплексы з дальнасцю да 500 кіламетраў. Але ці сапраўды гэта так і «Іскандэры» ўжо ў Беларусі?
«Адзначым, што «Іскандэр-М» — гэта патэнцыйны носьбіт ядзернай зброі. І згодна з міжнародным рэжымам кантролю за ракетнымі тэхналогіямі. Ніводная краіна свету не можа перадаваць іншай ракетныя сістэмы з дальнасцю, большай за 300 кіламетраў, тым больш з ядзерным абсталяваннем, — тлумачыць вайсковы аналітык Аляксандр Алесін. — Размяшчэнне іх магчымае на тэрыторыі Беларусі толькі з расійскім персаналам.
Прычым, комплекс можа прабыць у Беларусі не больш за два месяцы, пасля мусіць быць ратацыя, то-бок, замена іншымі, інакш гэта супярэчыць міжурадавым пагадненням.
Таму тут гутарка ідзе пра тое, што «Іскандэры» якраз пакуль не патрэбныя, бо яны ёсць у Расіі: у Калінінградскай вобласці і на ўзбраенні Першай гвардзейскай танкавай арміі.
Што меў на ўвазе Хрэнін, калі сказаў, што «Іскандэры», калі спатрэбяцца, тут жа будуць? Найхутчэй, што комплексы хутка прыедуць з Расіі — «Іскандэры» мабільныя, могуць рухацца з хуткасцю 70-75 кіламетраў.
За гадзін 10 яны даедуць да Беларусі. І ў нас жа адзіная вайсковая групіроўка, якая ў выпадку вайны пачынае дзейнічаць як адно цэлае, з пераброскай да нас расійскіх вайскоўцаў, што і адпрацоўваецца на вучэннях».
-
У Вільні прайшла акцыя салідарнасці з экс-каліноўцам Верамейчыкам, якога дэпартавалі ў Беларусь ФОТА
-
Як помнікі русіфікуюць Беларусь? Падлікі пра тое, колькі помнікаў прысвечаныя савецкай гісторыі, а колькі — нацыянальнай
-
На галоўнай елцы Брэста замест Віфлеемскай зоркі паставілі «ваенную». І гэта ўжо не першы раз
Каментары