Adpačynak na volnym pavietry, ekskursii pa histaryčnych miaścinach, stravy nacyjanalnaj kuchni dy mnohaje inšaje prapanujuć ahrasiadziby ŭ Navahradskim i Karelickim rajonie.
Adpačynak na volnym pavietry, ekskursii pa histaryčnych miaścinach, stravy nacyjanalnaj kuchni dy mnohaje inšaje prapanujuć ahrasiadziby ŭ Navahradskim i Karelickim rajonie.
«Śviciazianka»
Amatary adpačynku ŭ vioscy mohuć naviedacca ŭ Varonču, što ŭ Karelickim rajonie. Siadziba «Śviciazianka» prapanuje svaim haściam try pakoi ŭ dobraŭparadkavanym domie. Pobač z domam parkoŭka. Kuchnia, stałoŭka na 10 čałaviek, sanvuzieł, haračaja i chałodnaja vada ŭ domie. Haspadary harantujuć ekałahična čystaje charčavańnie. Pry siadzibie majecca vialiki sad. Dzieci mohuć pabačyć chatnich žyvioł i ptušak. Amatary padarožžaŭ mohuć zamović ekskursii ŭ Mir, Niaśviž, Žyrovičy, na voziera Śviciaź. Teł. 8-029-675-87-80; 8-0159-62-74-34.
«Załataja padkova»
Siadziba mieścicca niepadaloku ad voziera Śviciaź u vioscy Navasady Navahradskaha rajonu. Hałoŭnaj admietnaściu tut — kuźnia. Hości siadziby na svaje vočy mohuć pabačyć, jak kujucca padkovy, a to i atrymać adnu na ščaście ŭ padarunak. Tut jość nievialiki mastacki muziej vyšyŭki, ikonaŭ, karcinaŭ. Dla adpačynku prapanujecca ŭtulny dom, dla amataraŭ adpačynku na volnym pavietry jość punia ź sienam i placoŭka dla namiotaŭ. Teł. 8-015-97-76-8-08.
Ź vidam na Mirski zamak
Siadziba «Zamkavaje pradmieście» znachodzicca niepadaloku ad Mirskaha zamku, prapanuje ŭtulnyja pakoi, kuchniu, duš, łaźniu, biljard, manhał, parkoŭku. Hości mohuć pakatacca na kani, pastralać z łuka i arbaleta, zrabić fota ŭ histaryčnym kaściumie. Ładziacca ekskursii ŭ Niaśviž, Navahradak, Kleck, Lubču, Śviciaź, Snoŭ, Iškałdź, Pałanečku (jość ułasny mikraaŭtobus). Teł.8-029-620-86-71.
Hety pieralik miescaŭ adpačynku daloka nie poŭny. Tolki ŭ hetych dvuch rajonach kolkaść padobnych siadzibaŭ siahaje za dziesiatak. U vialikaj kolkaści jany jość i ŭ inšych kutkach krainy. Adpačynak — na samy rozny hust: ad rybałki da skačkoŭ z parašutam. Padrabiaznuju infarmacyju pra siadziby ŭ inšych rehijonach Biełarusi možna adšukać na adnym z tematyčnych sajtaŭ, naprykład — na partale Biełaruskaha hramadskaha abjadnańnia «Adpačynak u vioscy».
Ciapier čytajuć
Ceny na paliva pavyšajucca na 4 kapiejki, a praz tydzień jašče na try1
Kamientary