«Pryjšli pa kłasicy — sa zbrojaj i ŭ kaskach». Studentaŭ zatrymlivajuć za minułahodni marš u Dzień viedaŭ
Vyhladaje, što siłaviki ŭzialisia za aktyŭnych studentaŭ, jakija ŭdzielničali ŭ maršy 1 vieraśnia 2020 hoda. Na dvaich zaviali kryminalnyja spravy.
Adzin z zatrymanych — 20-hadovy Daniła Darafiejeŭ. Jon student Instytuta biznesu BDU. Zatrymali chłopca doma ŭ minułuju sieradu.
«Pryjšli pa kłasicy a 8-j ranicy. Sa zbrojaj, u kaskach. Ale dastatkova vietliva siabie pavodzili», — dzielicca jaho baćka.
U «pakajannym videa», jakoje apublikavali praŭładnyja kanały, student kaža, što stajaŭ u sčepkach i ŭdzielničaŭ u hałasavańni za płan «Pieramoha». Nakolki viadoma, spravu zaviali pa 342 artykule.
«Ciapier jon na Akreścina, na hetym tydni pieraviaduć na Vaładarku. Trymajecca badziora. Advakat skazaŭ, što ad dvuch da čatyroch miesiacaŭ usio adno budzie siadzieć da suda», — tłumačać situacyju rodnyja.
Za minułahodni marš studentaŭ zatrymali taksama Kanstancina Šulhu. Jamu 22, skončyŭ minski kulinarny kaledž. Pracavaŭ i hraŭ u amatarskim teatry. Da jaho ŭ kvateru siłaviki pryjšli ŭ sieradu. Maci ŭ toj čas była na pracy.
U praŭładnych kanałach napisali, što chłopiec pierakryvaŭ darohi i błakavaŭ ruch transpartu. U «pakajannym videa» Kanstancin kaža, što byŭ padpisany na ekstremisckija kanały Ściapana Puciły, mikrarajona Sucharava, skidvaŭ videa ŭ niekatoryja kanały.
Pa słovach maci, siońnia ci zaŭtra syna buduć pieravodzić na Vaładarku. Raniej pa pratesnych artykułach chłopca nie sudzili.
Centralnuju rolu ŭ arhanizacyi pieramovaŭ z amierykancami adyhraŭ muž Natalli Piatkievič. Čamu jon?16
Kamientary