Biełaruskaja čyhunka da kanca hoda płanuje ŭvieści pryčapny bieśpierasadačny vahon u napramku Minsk — Baziel.
Biełaruskaja čyhunka da kanca hetaha hoda płanuje ŭvieści pryčapny bieśpierasadačny vahon u napramku Minsk — Baziel (Šviejcaryja).
Novy vahon uklučać u sastaŭ ciahnika numar 11/12 Maskva — Varšava — Amsterdam.
Płanujecca, što jon budzie karystacca papularnaściu jak u biźniesmienaŭ, jakija padarožničajuć pamiž Biełaruśsiu i Šviejcaryjaj, tak i ŭ turystaŭ. «Ciapier farmirujecca hrafik ruchu vahona, vyznačajecca pieryjadyčnaść jaho kursiravańnia, — raskazali śpiecyjalisty. — Užo da kanca leta heta infarmacyja pavinna być uzhodniena i viadoma».
Biełaruskaja čyhunka štohod uvodzić novyja maršruty ŭ mižnarodnych pasažyrskich znosinach. Tak, z 31 maja 2009 h. pa BČ pačali kursiravać bieśpierasadačnyja vahony Brest — Surhut, Brest — Astana, Minsk — Maskva praz Babrujsk i Homiel. U sastaŭ ciahnika numar 100/99 Minsk — Simfieropal na letni pieryjad uklučany vahon‑restaran.
Siońnia pasažyrskija čyhunačnyja znosiny źviazvajuć Biełaruś z Amsterdamam, Bierlinam, Kiolnam, Varšavaj, Prahaj, Bracisłavaj, Varnaj, Bucharestam, Vienaj, Budapieštam, a taksama stalicami i administracyjnymi centrami Rasii, Ukrainy, Litvy, Łatvii, Kazachstana.
Płanujecca, što ŭžo z kanca hetaha hoda kuplać bilety na pajazdy BČ možna budzie praź Internet. «Pasažyr zmoža nabyć bilet u patrebnym napramku, apłaciŭšy zakaz šlacham uvodu častki rekvizitaŭ svajoj bankaŭskaj kartki ŭ śpiecyjalnuju hrafu na internet‑sajcie BČ, — rastłumačyli śpiecyjalisty. — Takim čynam, našy klijenty buduć paźbiahać čerhaŭ kala biletnych kas i ekanomić svoj čas»
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie3
Kamientary