U Minsku zatrymali niekalki čałaviek, paviedamlajuć pravaabaroncy.
U Minsku zatrymanyja Alaksandr Komar, Mikałaj Piapielski, Tereza Łyščyk, Juryj Stalaroŭ, Iryna Kurakina, a taksama adbyŭsia pieratrus u Cimura Astanava.
Siarod zatrymanych učora ŭ Kafiedralnym sabory na Niamizie — uładalnica bara «Siniaja kaza» Ksienija Fiodarava. Viadoma, što Ksienija prachodzić chimijaterapiju. Paźniej jaje vypuścili z Centralnaha RUUSa.
U Homieli zatrymany 38-hadovy Jaŭhien Halič. Pryčyny zatrymańnia pakul nieviadomyja.
U Breście paśla pieratrusu zatrymali Ivana Suško. Paviedamlajecca, što ŭ miežach art. 369 KK (abraza pradstaŭnika ŭłady).
U Śvisłačy supracoŭniki KDB pryjšli ź pieratrusam da Andreja Zorki
Taksama ŭ Śvisłačy zatrymali 33-hadovaha Siarhieja Sałaŭja. U momant zatrymańnia jon byŭ u haściach.
Pavodle papiaredniaj infarmacyi, Siarhieja zatrymali za vykazvańni suprać Łukašenki i Pucina, suprać vajny i zakliki biełarusaŭ nie iści suprać Ukrainy.
Doma ŭ jaho znajšli ściahi i ŭkrainski kiciel. Zorka nibyta byŭ u 2014 hodzie ŭ «Azovie» jak pierakładčyk-žurnalist, što nie padvierdžana. Pa papiaredniaj infarmacyi, paśla dopytu jaho źmiaścili ŭ IČU na Akreścina. Artykuł, jaki jamu inkryminujecca, pakul nieviadomy.
U Homieli 2 sakavika zatrymali arhanizatara vandrovak, spłavaŭ i ekskursij Ihara Hałušku
Pa papiaredniaj infarmacyi, jamu inkryminujuć art. 130 Kryminalnaha kodeksa (raspalvańnie varožaści) za kamientary ŭ sacyjalnych sietkach.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć50
Kamientary