Limit biaspošlinnaha ŭvozu tavaraŭ ź internet-kramaŭ u JEAES pavialičany da 1000 jeŭra. Dla Biełarusi pakul ničoha nie mianiajecca
Pavyšeńnie limitaŭ dapamoža paźbiehnuć deficytu tavaraŭ, a taksama padtrymaje hramadzian, jakija kuplajuć tavary dla asabistaha karystańnia ŭ zamiežnych internet-kramach, skazała aficyjny pradstaŭnik Savieta Jeŭrazijskaj ekanamičnaj kamisii Ija Małkina.
«Limit pavialičany na časovaj asnovie da 1 kastryčnika 2022 hoda, — cytuje Iju Małkinu BiełTA. — U vypadku, kali košt pasyłki pieravyšaje hetuju sumu abo jaje vaha składaje bolš za 31 kh, nieabchodna budzie zapłacić pošlinu ŭ pamiery 15% ad koštu zamovy, ale nie mienš za 2 jeŭra za 1 kh».
Z 1 studzienia 2020 hoda biazmytny paroh dla ŭvozu ŭ JEAES tavaraŭ hramadzianami dla asabistaha karystańnia składaŭ 200 jeŭra.
Adnak u Biełarusi — inšyja limity, dziejničaje nacyjanalnaje zakanadaŭstva.
U Dziaržaŭnym mytnym kamitecie Zerkalo.io patłumačyli, što ŭ Biełarusi nie ŭvodzili źmieny pa biaspošlinnych limitach na pasyłki z-za miažy. Jany pa-raniejšamu składajuć 22 jeŭra i 10 kiłahram na adno adpraŭleńnie. Abmiežavańniaŭ pa ich kolkaści niama.
— U nas jość nacyjanalnaje zakanadaŭstva, pakul nijakich źmien nie płanujecca. Moža, buduć u dalejšym, ale pakul niama. U nas jak było 22 jeŭra i da 10 kiłahram, tak i zastałosia, — udakładnili ŭ DMK.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach12
Kamientary