U Biełarusi chočuć pierahledzieć biaspošlinnyja limity na pasyłki z-za miažy
U Biełarusi mohuć padniać paroh biazmytnaha ŭvozu dla pasyłak z-za miažy da 1000 jeŭra za adno paštovaje adpraŭleńnie.
Pra heta Zerkalo.io paviedamili ŭ Ministerstvie suviazi i infarmatyzacyi. Raniej takuju miažu ŭstalavali da 1 kastryčnika ŭ JEAES, ale ŭ Biełarusi takoje rašeńnie da hetaha času nie pryniataje.
— Hety narmatyŭna-pravavy akt jašče znachodzicca na ŭzhadnieńni ŭ dziaržorhanach. Prachodzić unutranaje ŭzhadnieńnie — udakładnili ŭ viedamstvie.
U Minsuviazi paviedamili, što paroh biazmytnaha ŭvozu tavaraŭ chočuć padniać da 1000 jeŭra i 31 kiłahrama na adnu pasyłku, jak heta zrabili na ŭzroŭni JEAES. Jak čakajecca, kolkaść takich banderolaŭ nie budzie abmiežavanaja.
U Biełarusi ciapier limity — 22 jeŭra i 10 kiłahramaŭ na adnu pasyłku. Pry hetym kolkaść banderolaŭ, jakija možna zamović za miesiac, nieabmiežavanaja. U Rasii da źmianieńniaŭ na ŭzroŭni JEAES byli limity ŭ 200 jeŭra i 31 kiłahram na adnu pasyłku, jak i ŭ cełym na ŭzroŭni JEAES.
Pra toje, što ŭ Biełarusi mohuć pavialičyć limit biaspošlinnaha ŭvozu tavaraŭ, raspavioŭ ŭ intervju «Biełaruś-1» ministr suviazi i infarmatyzacyi Kanstancin Šulhan.
Z prapanovaj padniać limit na pasyłki na ŭzroŭni JEAES vystupiła Rasija. Maskva prapanavała pavialičyć jaho da 1000 jeŭra i da 31 kiłahrama na adnu banderol.
Jak vyhladaje 46-hadovy juryst Juraś Ziankovič praz try z pałovaj hady źniavoleńnia ŭ biełaruskaj turmie6
Kamientary