У Беларусі хочуць перагледзець бяспошлінныя ліміты на пасылкі з-за мяжы
У Беларусі могуць падняць парог бязмытнага ўвозу для пасылак з-за мяжы да 1000 еўра за адно паштовае адпраўленне.
Пра гэта Zerkalo.io паведамілі ў Міністэрстве сувязі і інфарматызацыі. Раней такую мяжу ўсталявалі да 1 кастрычніка ў ЕАЭС, але ў Беларусі такое рашэнне да гэтага часу не прынятае.
— Гэты нарматыўна-прававы акт яшчэ знаходзіцца на ўзгадненні ў дзяржорганах. Праходзіць унутранае ўзгадненне — удакладнілі ў ведамстве.
У Мінсувязі паведамілі, што парог бязмытнага ўвозу тавараў хочуць падняць да 1000 еўра і 31 кілаграма на адну пасылку, як гэта зрабілі на ўзроўні ЕАЭС. Як чакаецца, колькасць такіх бандэроляў не будзе абмежаваная.
У Беларусі цяпер ліміты — 22 еўра і 10 кілаграмаў на адну пасылку. Пры гэтым колькасць бандэроляў, якія можна замовіць за месяц, неабмежаваная. У Расіі да змяненняў на ўзроўні ЕАЭС былі ліміты ў 200 еўра і 31 кілаграм на адну пасылку, як і ў цэлым на ўзроўні ЕАЭС.
Пра тое, што ў Беларусі могуць павялічыць ліміт бяспошліннага ўвозу тавараў, распавёў ў інтэрв'ю «Беларусь-1» міністр сувязі і інфарматызацыі Канстанцін Шульган.
З прапановай падняць ліміт на пасылкі на ўзроўні ЕАЭС выступіла Расія. Масква прапанавала павялічыць яго да 1000 еўра і да 31 кілаграма на адну бандэроль.
Каментары