Hałoŭny trenier biełaruskaj futbolnaj zbornaj Biernd Štanhie zajaŭlaje ab adsutnaści prablem u stasunkach z kapitanam kamandy Alaksandram Hlebam.
Hałoŭny trenier biełaruskaj futbolnaj zbornaj Biernd Štanhie zajaŭlaje ab adsutnaści prablem u stasunkach z kapitanam kamandy Alaksandram Hlebam.
«Zajavy ab tym, što Hleb nie budzie hulać z Charvatyjaj, tamu što pakryŭdziŭsia na mianie za maje vykazvańni, — heta štości dla žoŭtaj, bulvarnaj presy», — skazaŭ Štanhie na pres‑kanfierencyi 3 vieraśnia.
«Nichto nie moža być pakryŭdžanym. Naohuł niama nijakich prablem, — padkreśliŭ trenier. — Hleb moža havaryć usio, što choča, naprykład, pra nieabchodnaść viarnuć u kamandu Ramaščanku, a ja mahu havaryć pra toje, što Hleb u hetaj kvalifikacyi zhulaŭ nie tak, jak chaciełasia. Ale nie tamu, što jon ułomak, a tamu, što pierad adkaznymi hulniami ŭ jaho byli traŭmy».
Pavodle słoŭ Štanhie, Hlebu tolki 28 hadoŭ i jon jašče mnohija hady moža być karysny. «Ja b nie dazvoliŭ nivodnamu žurnalistu havaryć ab tym, što ŭ nas jość prablemy. Jak kapitan i trenier my imkniomsia ŭzmacnić kamandu i vieści jaje ŭ budučyniu», — padkreśliŭ Štanhie.
Trenier pryvioŭ słovy Hleba, jaki zajaviŭ, što vierniecca sa Štutharta ŭ Minsk u niadzielu i budzie rychtavacca da matču z Ukrainaj. «Hleb choča hulać, i ja nie razumieju, u čym jaho možna padazravać. Traŭmavany Hleb nam nie dapamoža. My adkaznyja za hulcoŭ. Nam patrebny zdarovyja ludzi, tym bolš što matč z Ukrainaj — heta svojeasablivaje derbi», — zajaviŭ Štanhie.
Akramia Hleba‑starejšaha ŭ Zahrabie 5 vieraśnia nie budzie hulać jašče adzin klučavy hulec biełaruskaj zbornaj Vital Kutuzaŭ (adnamatčavaja dyskvalifikacyja z‑za dvuch papiaredžańniaŭ).
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach12
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia33
Kamientary