16‑18 vieraśnia zapłanavany vizit delehacyi biełaruskaj apazicyi, a taksama pradstaŭnikoŭ hramadzianskaj supolnaści ŭ Šviecyju.
16‑18 vieraśnia zapłanavany vizit delehacyi biełaruskaj apazicyi, a taksama pradstaŭnikoŭ hramadzianskaj supolnaści ŭ Šviecyju, paviedamiŭ «NN» sustaršynia Biełaruskaj chryścianska‑demakratyčnaj partyi Pavieł Sieviaryniec.
U delehacyju ŭvajšli eks‑kandydat na pasadu prezidenta Alaksandr Kazulin, staršynia AHP Anatol Labiedźka, namieśnik staršyni Partyi BNF Vincuk Viačorka, Pavieł Sieviaryniec, staršynia arhkamitetu Partyi svabody i prahresu Uładzimir Navasiad, lider arhanizacyi «Maładaja Biełaruś» Artur Fińkievič, staršynia BAŽ Žanna Litvina.
Pa našaj infarmacyi, pad pytańniem udzieł u pajezdcy lidera Ruchu «Za svabodu» Alaksandra Milinkieviča. Taksama źviartaje na siabie ŭvahu adsutnaść lidera apazicyjnych kamunistaŭ Siarhieja Kalakina.
Šviecyja na dadzieny momant staršyniuje ŭ Jeŭrasajuzie. U Stakholmie dakładna zapłanavanyja sustrečy ź ministram zamiežnych spravaŭ Karłam Biltam, a taksama ź ministram pa spravach Jeŭropy. Jašče nie vyrašana, ci budzie sustreča z premjer‑ministram Šviecii Fredrykam Rejnfieldam.
Jašče buduć sustrečy z šviedskimi partyjcami.
Kamientary