U Kitai transpłantołahi zabirajuć orhany ŭ jašče žyvych pacyjentaŭ. Takich vypadkaŭ jak minimum dziasiatki
18 sakavika 1994 hoda vosiem daktaroŭ z balnicy pry kitajskim univiersitecie Tunczy prajechali dziasiatki kiłamietraŭ, kab zabrać serca ŭ pryhavoranaha da śmierci. Voś tolki jany nie dačakalisia, pakul hetaha čałavieka pakarajuć śmierciu, i vykanali prysud sami — prosta dastali serca ź jaho cieła.
Doktar Džejkab Łavi, transpłantołah ź miedycynskaha centra imia Chaima Šeby ŭ Izraili, razam z kalehami pravioŭ daśledavańnie na hetuju temu. Navukoŭcy vyvučyli amal try tysiačy kliničnych spravazdač, apublikavanych u vydańni American Journal of Transplantology, i znajšli šmat śviedčańniaŭ chirurhaŭ pra zabor orhanaŭ u jašče žyvych pacyjentaŭ, piša Wall Street Journal.
Voś, naprykład, radki sa spravazdačy z horada Uchań: «Kali raskryli hrudnuju kletku donara, razrez hrudnoj ścienki byŭ blednym i biaskroŭnym, a serca mieła fijaletavy koler i słaba biłasia. Ale bićcio serca ŭzmacniłasia adrazu paśla intubacyi trachiei i aksihienacyi». Niahledziačy na heta, serca donara zabrali.
Pry hetym ukazańnie, što donara padklučyli da štučnaj vientylacyi lohkich («intubacyja trachiei») tolki ŭ siaredzinie apieracyi, śviedčyć: kali jana pačałasia, čałaviek jašče byŭ žyvy.
Kab možna było zaśviedčyć śmierć mozha, donar orhanaŭ pavinien stracić zdolnaść samastojna dychać i ŭžo prajści praź intubacyju, i tolki paśla hetaha možna pravodzić transpłantacyju. Hety važny miedycynski pryncyp źviazany z bazavym etyčnym praviłam transpłantałohii: žyćciova važnyja orhany možna vydalać tolki ŭ donaraŭ, jakija ŭžo pamierli.
Tym nie mienš, zhodna z daśledavańniem Łavi i jaho kaleh, za tryccać hadoŭ u 56 kitajskich balnicach było mnostva vypadkaŭ, kali śmierć mozha nibyta była zafiksavanaja jašče da taho momantu, jak była praviedzienaja intubacyja. U vyšej aznačanym vypadku va Uchani intubacyja prajšła padčas apieracyi, časam jaje ŭvohule nie pravodzili.
U Kitai šyroka raspaŭsiudžany handal orhanami, i ŭ hetych metach kitajskija ŭłady zabirajuć orhany ŭ asudžanych na śmiarotnaje pakarańnie i ŭ viaźniaŭ sumleńnia. Ale dahetul nie było sistemnych daśledavańniaŭ taho, jak sami lekary ŭ hetym udzielničajuć.
Doktar Łavi z kalehami vyjavili 71 kliničnuju spravazdaču, u jakoj jaŭna prasočvajecca ŭdzieł chirurha ŭ zabojstvie donara, ale, vierahodna, takich historyj našmat bolš. Navukoŭcy zdoleli prasačyć ich najaŭnaść u pieryjad da 2015 hoda, ale jany nie vierać u toje, što złačynstvy skončylisia. Miedyki spadziavajucca, što paśla publikacyi ich daśledavańnia ŭ adnym z hałoŭnych časopisaŭ pa transpłantałohii Zachad bolš nie zdoleje ihnaravać hety čorny bok kitajskaj miedycyny.
U Kitai zakančvajecca vada. Susiedzi bajacca, što kraina pačnie prysvojvać ich vodnyja resursy
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary