Supracoŭniki «Łade»: Adbyłosia pasiadžeńnie Minzdaroŭja, kampanija praciahnie pracu
Kampanija «Łade», čyju dziejnaść časova prypyniła Ministerstva achovy zdaroŭja 16 maja, znoŭ adkryjecca. Pra heta Zerkalo.io raspaviali supracoŭniki. Praŭda, data adkryćcia miedcentraŭ pakul nieviadomaja.
14 červienia ŭ Ministerstvie achovy zdaroŭja razhledzieli vyniki pravierki «Łade», paviedamiła supracoŭnica kampanii. Pavodle jaje słoŭ, kampanija praciahnie pracu.
— Adbyłosia pasiadžeńnie Ministerstva achovy zdaroŭja, pryniali pastanovu adkryć — raspaviała supracoŭnica kampanii. Dakładnyja daty adkryćcia dziaŭčyna pakul nie viedaje.
— Skazali, na dniach budzie viadoma, — udakładniaje jana.
Žurnalisty patelefanavali ŭ «Łade» jak naviedvalniki. Datu adnaŭleńnia pracy tam pakul taksama nie viedajuć.
— U nas ciapier jość zapis da łahapiedaŭ, psichołahaŭ i kaśmietołahaŭ. Astatnija daktary nie prymajuć u suviazi z prypynieńniem licenzii. Termin adnaŭleńnia pakul nie ŭdakładniajem, čakajem pastanovy Ministerstva achovy zdaroŭja, — raspaviali ŭ koł-centry.
Raniej kiraŭnictva aceńvała pierśpiektyvy ŭ dačynieńni da rašeńnia Ministerstva achovy zdaroŭja davoli pazityŭna.
Nahadajem, Ministerstva achovy zdaroŭja Biełarusi z 16 maja prypyniła dziejańnie licenzij na miedździejnaść pryvatnych centraŭ «klinika A1» i «Łade». Aficyjnaja pryčyna — «parušeńni vykanańnia zakanadaŭstva ab achovie zdaroŭja, ab sanitarna-epidemičnym dabrabycie, ab licenzavańni ŭ hetych arhanizacyjach».
Čytajcie taksama:
«Łade» kašmarać za 2020-y. Vychavaŭčy rekiet, vystavili štraf
Pinievič prakamientavaŭ «spravu traŭmatołahaŭ» i situacyju z «Łade»
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj18
Kamientary